റെക്കോഡ് മറികടന്ന് ഇന്ധന വില; ഇന്നും വില വര്‍ധിച്ചു

തിരുവനന്തപുരം: ജനങ്ങളെ ആശങ്കയിലാഴ്ത്തി ഇന്ധനവില ഇന്നും ഉയര്‍ന്നു. അതേസമയം ഇന്ധന വിലവര്‍ധനവില്‍ പ്രതിഷേധിച്ച് എല്‍ഡിഎഫും യുഡിഎഫും ആഹ്വാനം ചെയ്തിരിക്കുന്ന ഹര്‍ത്താലും കോണ്‍ഗ്രസിന്റെ ബന്ദും നടത്തുന്ന സാഹചര്യത്തിലാണ് ഇന്നും ഇന്ധനവില വര്‍ധിച്ചത്.

Also Read : റെക്കോഡുകള്‍ മറികടന്ന് ഇന്ധനവില കുതിക്കുന്നു; ഇന്നും വില വര്‍ധിച്ചു

പെട്രോളിന് 24 പൈസയും ഡീസലിന് 23 പൈസയുമാണ് ഇന്ന് വര്‍ധിച്ചത്. തിരുവനന്തപുരത്ത് പെട്രോള്‍ വില 84.05 രൂപയും ഡീസല്‍ വില 77. 99 രൂപയുമായി ഉയര്‍ന്നപ്പോള്‍ കൊച്ചിയില്‍ പെട്രോളിന് 82.72 രൂപയും, ഡീസലിന് 76.73 രൂപയുമാണ് വില. കോഴിക്കോട് പെട്രോളിന് 82.97 രൂപയും ഡീസലിന് 77 രൂപയുമാണ് ഇന്നത്തെ വില.