ഇന്ധനവിലയില്‍ വീണ്ടും മാറ്റം; മാറിയ നിരക്കിങ്ങനെ

കൊച്ചി: ഇന്ധനവിലയില്‍ ഇന്നും മാറ്റം. പെട്രോളിന് ഇന്ന് വില വര്‍ദ്ധിച്ചു. പെട്രോളിന് 78.85 രൂപയും ഡീസലിന് 72.30 രൂപയുമാണ് കണ്ണൂരില്‍ ഇന്നത്തെ ഇന്ധനവില. ഇന്നലെയും വില വര്‍ദ്ധനവ് പ്രകടമായിരുന്നു. ക്രൂഡ് ഓയില്‍ വില കുറയുമ്പോഴും ഇന്ധനവില കുറയ്ക്കാന്‍ എണ്ണക്കമ്പനികള്‍ തയ്യാറായിട്ടില്ല. ജൂലൈ അഞ്ചു മുതല്‍ ഇന്നു വരെയുള്ള ദിവസങ്ങളില്‍ പെട്രോളിനു മാത്രം വര്‍ധിപ്പിച്ചത് 1.26 രൂപയും ഡീസലിന് 1.12 രൂപയുമാണ്.

കേരളത്തിലെ പെട്രോള്‍ പമ്പുകളിലെ വിലകള്‍ ഇങ്ങനെ,

തിരുവനന്തപുരം പെട്രോള്‍ 79.87 രൂപ, ഡീസല്‍ 73.24 രൂപ, കൊച്ചി പെട്രോള്‍ 78.48 , ഡീസല്‍ 71.86, കോഴിക്കോട് പെട്രോള്‍ 78.83, ഡീസല്‍ 72.19, ഡല്‍ഹി പെട്രോള്‍ 76.76, ഡീസല്‍ 68.43, മുംബൈ പെട്രോള്‍ 84.14, ഡീസല്‍ 72.61, ചെന്നൈ പെട്രോള്‍ 79.67, ഡീസല്‍ 72.24 രൂപയുമാണ് ഇന്നത്തെ വില.