1971ൽ ര​ണ്ട്​ ക​ശ്​​മീ​രി​ക​ൾ പാകിസ്​താനിലേക്ക്​ റാഞ്ചിയ വിമാനത്തി​ന്റെ പൈലറ്റ്​ അന്തരിച്ചു

ഹ​രി​യാ​ന: 1971ൽ ഏറെ കോളിളക്കം സൃഷ്‌ടിച്ച വിമാനറാഞ്ചലിന്റെ നേ​ർ സാ​ക്ഷി നിര്യാതനായി. 1971ൽ ര​ണ്ട്​ ക​ശ്​​മീ​രി​ക​ൾ പാകിസ്​താനിലേക്ക് റാ​ഞ്ചി​ക്കൊ​ണ്ടു​പോ​യ ഇ​ന്ത്യ​ൻ എ​യ​ർ​ലൈ​ൻ​സ്​ വി​മാ​ന​ത്തി​​ന്റെ പൈ​ല​റ്റ്​ ക്യാ​പ്​​റ്റ​ൻ എം.​കെ. ക​ച്ച്​​റു (93) ആണ് അന്തരിച്ചത്.

also read:വി​മാ​ന​ത്താ​വ​ള​ത്തി​ല്‍ വി​മാ​ന​ങ്ങ​ള്‍ ത​മ്മി​ല്‍ കൂ​ട്ടി​മു​ട്ടി

ശ്രീ​ന​ഗ​റി​ൽ നി​ന്ന്​ ജ​മ്മു​വി​ലേ​ക്ക് 26 യാ​ത്ര​ക്കാ​രും നാ​ലു ജീ​വ​ന​ക്കാ​രു​മാ​യി പറന്ന വിമാനത്തെ റാ​ഞ്ചി​ക​ൾ ലാ​ഹോ​റി​ലേ​ക്ക്​ തി​രി​ച്ചു​വി​ടു​ക​യാ​യി​രു​ന്നു.ഇ​ന്ത്യ​ൻ ജ​യി​ലി​ൽ ക​ഴി​യു​ന്ന ചി​ല ത​ട​വു​കാ​രെ മോ​ചി​പ്പി​ക്ക​ണ​മെ​ന്ന ആ​വ​ശ്യ​മാ​ണ്​ റാ​ഞ്ചി​ക​ൾ ഉ​ന്ന​യി​ച്ച​ത്. എന്നാൽ ഈ ആവശ്യം ഇന്ത്യ തള്ളുകയായിരുന്നു. പിന്നീട് യാ​ത്ര​ക്കാ​രെ​യും ക്യാ​പ്​​റ്റ​ൻ ക​ച്ച്​​റു അ​ട​ക്കം വി​മാ​ന ജീ​വ​ന​ക്കാ​രെ​യും അ​മൃ​ത​സ​ർ വ​ഴി ഇ​ന്ത്യ​യി​ലേ​ക്ക്​ അ​യ​ച്ചു. സംഭവത്തെ തുടർന്ന് പാ​ക്​ വി​മാ​ന​ങ്ങ​ൾ ​ഇ​ന്ത്യ​ൻ വ്യോ​മാ​തി​ർ​ത്തി​യി​ൽ പ്രവേശിക്കുന്നത് ഇന്ത്യ വിലക്കിയിരുന്നു.