സെഞ്ചൂറിയനിലെ സെഞ്ചുറി; കോഹ്ലിക്ക് അപൂര്‍വ്വ നേട്ടം

സെഞ്ചൂറിയന്‍: സെഞ്ചൂറിയനില്‍ ദക്ഷിണാഫ്രിക്കയ്ക്ക് എതിരെ സെഞ്ചുറി നേടിയ ഇന്ത്യന്‍ നായകന്‍ വിരാട് കോഹ്ലിയെ തേടി മറ്റൊരു ബഹുമതി കൂടി. സച്ചിന് ശേഷം ദക്ഷിണാഫ്രിക്കയില്‍ ടെസ്റ്റ് ക്രിക്കറ്റില്‍ സെഞ്ചുറി നേടുന്ന ഇന്ത്യന്‍ നായകന്‍ എന്ന നേട്ടമാണ് കോഹ്ലിയെ തേടി എത്തിയത്.

1996-97ലെ ഇന്ത്യയുടെ ദക്ഷിണാഫ്രിക്കന്‍ പര്യടനത്തില്‍ സച്ചിന്‍ 169 രണ്‍സാണ് നേടിയത്. സച്ചിനും കോഹ്ലിയും മാത്രമാണ് ദക്ഷിണാഫ്രിക്കന്‍ മണ്ണില്‍ സെഞ്ചുറി നേടുന്ന ഇന്ത്യന്‍ നായകന്മാര്‍. 146 പന്തില്‍ നിന്നുമായിരുന്നു കോഹ്ലിയുടെ സെഞ്ചുറി.

ആദ്യ ഇന്നിംഗ്‌സില്‍ ദക്ഷിണാഫ്രിക്ക മുന്നോട്ട വച്ച 335 റണ്‍സ് മറികടക്കാനുള്ള ശ്രമത്തിലാണ് ഇപ്പോള്‍ ഇന്ത്യ.നിലവില്‍ 287ന് എട്ട് എന്ന നിലയിലാണ് ടീം. സെഞ്ചുറി നേടിയ കോഹ്ലി ക്രീസിന്റെ ഒരറ്റത്തുണ്ട്. കോഹ്ലിക്ക് ഒപ്പം ഇഷാന്ത് ശര്‍മ്മയാണ് ക്രീസിലുള്ളത്.

ഹര്‍ദിക് പാണ്ഡ്യ, രവിചന്ദ്രന്‍ അശ്വിന്‍, മുഹമ്മദ് ഷമി എന്നിവരുടെ വിക്കറ്റുകളാണ് ഇന്ന് ഇന്ത്യയ്ക്ക് നഷ്ടമായത്.