കുറ്റകൃത്യങ്ങളുടെ നിരക്കില്‍ കേരളത്തിലെ ഈ നഗരം രാജ്യത്ത് ഒന്നാമത്

കൊല്ലം: കുറ്റകൃത്യങ്ങളുടെ പട്ടികയിൽ കൊല്ലം നഗരം ഒന്നാമതെന്ന് നാഷനല്‍ ക്രൈം റെക്കോഡ്സ് ബ്യൂറോയുടെ റിപ്പോർട്ട്. കൊല്ലത്തെ കുറ്റകൃത്യനിരക്ക് 1194.3 ആണ്. രണ്ടാം സ്ഥാനത്തുള്ള ഡൽഹിയിലേത് ആകട്ടെ 1062. 2 ഉം. കഴിഞ്ഞവർഷം കൊല്ലത്ത് 13257 കുറ്റകൃത്യങ്ങളാണ് രേഖപ്പെടുത്തിയത്. രാജ്യത്തെ മൊത്തം കുറ്റകൃത്യങ്ങളുടെ രണ്ടുശതമാനം ആണിത്.

കൊല്ലത്ത് റിപ്പോർട്ട് ചെയ്ത കേസുകളിൽ ഏറെയും സ്ത്രീകൾക്ക് നേരെയുള്ള അതിക്രമങ്ങളാണ്. ഭർതൃപീഡനം സംബദ്ധിച്ച കേസുകളും കുറവല്ല. മറ്റു സംസ്ഥാനങ്ങളെ അപേക്ഷിച്ച് കേരളത്തിൽ ചെറിയ കേസുകൾക്ക് പോലും പരാതി നൽകുന്നതിനാലും പോലീസ് കേസ് രജിസ്റ്റർ ചെയ്യുന്നതിനാലുമാണ് കേരളത്തിലെ കണക്കുകൾ വർദ്ധിക്കുന്നത്. കൂടുതല്‍ വാഹനാപകടങ്ങള്‍ റിപ്പോര്‍ട്ട് ചെയ്ത നഗരങ്ങളുടെ പട്ടികയിലും കൊല്ലം മുന്നിലാണ്.