ബിഎസ്എൻഎല്ലിൽ നിന്നും അൺലിമിറ്റഡ് ഡേറ്റാപ്ലാനും പുതിയ ഓഫറുകളും

കൊച്ചി : പ്രീപെയ്ഡ് ഉപയോക്താക്കള്‍ക്കായി അണ്‍ലിമിറ്റഡ് ഡേറ്റ പ്ലാനുമായി ബിഎസ്‌എന്‍എല്‍. 1099 രൂപയുടെ പ്ലാനില്‍ 30 ദിവസത്തേക്ക് അണ്‍ലിമിറ്റഡായി വേഗനിയന്ത്രണമില്ലാതെ ഡേറ്റ ഉപയോഗിക്കാം. നിലവിലെ അണ്‍ലിമിറ്റഡ‍് ഡേറ്റ പായ്ക്കുകളില്‍ നിശ്ചിത ഡേറ്റ ഉപയോഗത്തിനു ശേഷം വേഗം കുറയും. എന്നാൽ ഈ ഓഫറിൽ 30 ദിവസം ഒരേ വേഗത്തില്‍ പരിധിയില്ലാത്ത ഡേറ്റ ഉപയോഗിക്കാം.

കൂടാതെ 30 ദിവസത്തേക്ക് 10 ജിബി ഉപയോഗിക്കാന്‍ സാധിക്കുന്ന 549 രൂപയുടെ എസ്ടിവി 549, 10 ദിവസത്തേക്കു രണ്ടു ജിബി ഡേറ്റ ഉപയോഗിക്കാന്‍ സാധിക്കുന്ന 156 രൂപയുടെ എസ്ടിവി 156 എന്നീ പ്ലാനുകളും ബിഎസ്എൻഎൽ അവതരിപ്പിച്ചിട്ടുണ്ട്.