ആറന്മുള : ആറന്മുളയില്‍ പള്ളിയോടം മറിഞ്ഞ് രണ്ടു യുവാക്കളെ കാണാതായി. വിഷ്ണു, രാജീവ് എന്നിവരെയാണു കാണാതായത്. ഞായറാഴ്ച ഉച്ചയോടെ പമ്പയാറ്റില്‍ ആറന്മുള സത്രക്കടവില്‍ വള്ളസദ്യ കഴിഞ്ഞ് പോകുമ്പോഴായിരുന്നു അപകടം.
ഇന്ത്യന്‍ ക്രിക്കറ്റ് താരം കരുണ്‍ നായര്‍ക്കുവേണ്ടി വള്ളസദ്യ നടത്താനെത്തിയ കീഴ്‌ച്ചേരിമേല്‍ പള്ളിയോടമാണു മറിഞ്ഞത്. സംഭവം നടക്കുമ്പോള്‍ കരുണ്‍ നായരും വള്ളത്തില്‍ ഉണ്ടായിരുന്നു. എന്നാല്‍ അദ്ദേഹത്തെ രക്ഷപ്പെടുത്താന്‍ ബോട്ട് എത്തി കരുണ്‍ നായരെ കരയ്ക്കു കയറ്റി. കാണാതായവര്‍ക്കു വേണ്ടി ഫയര്‍ഫോഴ്‌സും നാട്ടുകാരും ചേര്‍ന്നു തെരച്ചില്‍ നടത്തുകയാണ്.
Post Your Comments