പാറശ്ശാല: ആഡംബര ബസില്‍ കടത്താൻ ശ്രമിച്ച ഹാഷിഷ് ഓയിലുമായി യുവാവ് എക്സൈസ് പിടിയില്‍. കഴക്കൂട്ടം നെഹ്‌റു ജംഗ്ഷനില്‍ ലളിത സദനത്തില്‍ മധുപന്‍ (28) ആണ് പിടിയിലായത്.
Read Also : പേരക്ക കഴിക്കുന്നത് വയറിന് നല്ലതോ? വയറിന്‍റെ ആരോഗ്യം മെച്ചപ്പെടുത്താൻ കഴിക്കേണ്ടത് എന്തെല്ലാം?
അമരവിള എക്സൈസ് ചെക്പോസ്റ്റില്‍ നടന്ന വാഹന പരിശോധനയില്‍ ബംഗളൂരുവില്‍നിന്ന് തിരുവനന്തപുരത്തേക്ക് വന്ന ആഡംബര ബസില്‍ നിന്നാണ് ഹാഷിഷ് ഓയില്‍ പിടികൂടിയത്. 58.357 ഗ്രാം ഹാഷിഷ് ഓയില്‍ ആണ് പിടിച്ചെടുത്തത്. ഇയാള്‍ക്കെതിരെ നാര്‍ക്കോട്ടിക് ഡ്രഗ്‌സ് ആന്‍ഡ് സൈക്കോട്രോപിക് സബ്സ്റ്റന്‍സസ് ആക്ട് പ്രകാരം കേസെടുത്തിട്ടുണ്ട്.
എക്സൈസ് സംഘത്തില്‍ ഇന്‍സ്‌പെക്ടര്‍ വി.എന്‍ മഹേഷ്, പ്രിവന്റിവ് ഓഫീസര്‍ സുധീഷ്, സിവില്‍ എക്സൈസ് ഓഫീസര്‍ അഭിജിത്ത് എന്നിവരുണ്ടായിരുന്നു. കേസിന്റെ തുടര്‍നടപടികള്‍ക്കായി പ്രതിയെയും തൊണ്ടിയും നെയ്യാറ്റിന്‍കര റെയ്ഞ്ചിന് കൈമാറി.
Post Your Comments