പാറ്റ്‌ന: പത്താം ക്ലാസുകാരിയെ കുരങ്ങന്‍മാരുടെ സംഘം വീടിന്റെ മുകളില്‍ നിന്ന് തള്ളിയിട്ട പെണ്‍കുട്ടിക്ക് ദാരുണാന്ത്യം. പ്രിയ കുമാര്‍ എന്ന പെണ്‍കുട്ടിയാണ് മരിച്ചത്. ടെറസില്‍ ഇരുന്ന് പഠിക്കുകയായിരുന്നു പ്രിയ കുമാര്‍. ഈ സമയം ടെറസിലേയ്ക്ക് എത്തിയ ഒരു കൂട്ടം കുരങ്ങന്‍മാര്‍ പെണ്‍കുട്ടിയെ ഉപദ്രവിച്ചെന്ന് ദൃക്‌സാക്ഷി പറഞ്ഞു.
Read Also: പ്ലസ് ടു വിദ്യാര്‍ത്ഥിനിയെ 9 പേര്‍ പീഡിപ്പിച്ച കേസില്‍ മന്ത്രവാദി അറസ്റ്റില്‍
താഴേയ്ക്ക് വീണ പ്രിയയുടെ തലയുടെ പിന്‍ഭാഗത്തും ശരീരത്തിന്റെ മറ്റ് ഭാഗങ്ങളിലും ഗുരുതരമായ പരിക്കുകളുണ്ടായി. അബോധാവസ്ഥയിലായ പെണ്‍കുട്ടിയെ വീട്ടുകാര്‍ ആശുപത്രിയില്‍ എത്തിച്ചെങ്കിലും മരണം സംഭവിച്ചെന്ന് ഡോക്ടര്‍മാര്‍ സ്ഥിരീകരിച്ചു.
കുരങ്ങന്‍മാരുടെ ആക്രമണത്തില്‍ നിന്ന് രക്ഷനേടാനായി പ്രിയ ഗോവണിയിലേയ്ക്ക് ഓടി. എന്നാല്‍, കൂട്ടത്തിലെ ചില കുരങ്ങന്‍മാര്‍ അക്രമാസക്തരാകുകയും പെണ്‍കുട്ടിയെ ടെറസില്‍ നിന്ന് തള്ളിയിടുകയും ചെയ്‌തെന്നാണ് പ്രദേശവാസികള്‍ പറയുന്നത്. പെണ്‍കുട്ടിയുടെ തലയില്‍ ഉള്‍പ്പെടെയേറ്റ ഒന്നിലധികം പരുക്കുകളാണ് മരണകാരണമെന്ന് ഡോക്ടര്‍മാര്‍ പറഞ്ഞു.
Post Your Comments