ശബരിമല ദർശനത്തിന് ശേഷം നാട്ടിലേക്ക് മടങ്ങവെ തീർത്ഥാടകൻ കുഴഞ്ഞ് വീണ് മരിച്ചു

ശബരിമല: ശബരിമല ദർശനത്തിനു ശേഷം നാട്ടിലേക്ക് മടങ്ങിയ തീർത്ഥാടകൻ മരിച്ചു. ചെങ്ങന്നൂരിൽ വച്ച് ഹൃദയാഘാതം മൂലമാണ് തീർത്ഥാടകൻ മരിച്ചത്.

ആന്ധ്രപ്രദേശ് നെല്ലൂർ സ്വദേശി ഇരുക്ക ബ്രഹ്മയ (45) ആണ് മരിച്ചത്. ചെങ്ങന്നൂർ റെയിൽവേ സ്റ്റേഷന് സമീപം ബുധനാഴ്ച പുലർച്ചെയോടെ കുഴഞ്ഞുവീണ ഇയാളെ ആശുപത്രിയിൽ എത്തിച്ചെങ്കിലും മരണം സംഭവിക്കുകയായിരുന്നു.

മേൽ നടപടികൾക്കായി മൃതദേഹം കോട്ടയം മെഡിക്കൽ കോളേജ് ആശുപത്രി മോർച്ചറിയിലേക്ക് മാറ്റി.