പാലക്കാട്: നിര്‍ഭയ കേന്ദ്രത്തില്‍ നിന്ന് 19 പെണ്‍കുട്ടികളെ കാണാതായി. മരുതറോഡ് കൂട്ടുപാതയില്‍ പ്രവർത്തിക്കുന്ന സർക്കാരിന്റെ നിർഭയ കേന്ദ്രത്തില്‍ നിന്നുമാണ് 19 പെണ്‍കുട്ടികളാണ് സുരക്ഷാ ജീവനക്കാരുടെ കണ്ണ് വെട്ടിച്ച്‌ പുറത്തുചാടിയത്. ഇന്നലെ രാത്രി എട്ടുമണിയോടെയാണ് സംഭവം. മണിക്കൂറുകള്‍ നീണ്ട തെരച്ചിലിനൊടുവില്‍ പെണ്‍കുട്ടികളെ പൊലീസ് കണ്ടെത്തി.
പെണ്‍കുട്ടികളെ കാണാതായത് നിർഭയ കേന്ദ്രം അധികൃതരാണ് പൊലീസില്‍ വിവരമറിയിച്ചത്. തുടർന്ന് നടത്തിയ അന്വേഷണത്തില്‍ ആദ്യം 15 പേരെയും രാത്രി ഒരു മണിയോടെ നാലു പേരെയും കണ്ടെത്തുകയായിരുന്നു. പോക്സോ കേസുകളിലെ അതിജീവിതകള്‍ ഉള്‍പ്പെടെയുള്ളവരാണ് ഇന്നലെ പുറത്തുചാടിയത്. വീട്ടിലേക്ക് തിരികെ പോകണമെന്ന് പെണ്‍കുട്ടികള്‍ നിരന്തരം ആവശ്യപ്പെട്ടിരുന്നതായി കസബ ഇൻസ്‌പെക്ടർ പറഞ്ഞു.
Post Your Comments