മദ്യപിക്കാൻ പണം വേണം: ചുറ്റിക കൊണ്ട് മധ്യവയസ്കന്റെ തല അടിച്ചുപൊട്ടിച്ച് അതിഥി തൊഴിലാളി, അറസ്റ്റ്

കോട്ടയം: മദ്യപിക്കാൻ പണം നല്‍കാത്തതിലുള്ള വൈരാഗ്യത്തില്‍ മധ്യവയസ്കനെ ചുറ്റിക കൊണ്ട് തലയ്‌ക്കടിച്ചു പരിക്കേല്‍പ്പിച്ച് അതിഥിത്തൊഴിലാളി. പാമ്പാടി കങ്ങഴ സ്വദേശിക്കാണ് പരിക്കേറ്റത്. ഇയാളുടെ വീട്ടിലെ ജോലിക്കാരനായ അസം സ്വദേശി ഗോകുല്‍ ഗാർഹ് (34) ആണ് ആക്രമിച്ചത്.

read also : തൃശൂര്‍ കോണ്‍ഗ്രസില്‍ കൂട്ടയടി: ദൃശ്യങ്ങൾ പുറത്ത്

കഴിഞ്ഞ ദിവസം ഉച്ചയോടെയാണ് സംഭവം. മധ്യവയസ്കൻ നടത്തിയിരുന്ന കങ്ങഴയിലുള്ള ഹാർഡ് വെയർ സ്ഥാപനത്തിലെത്തി പണം ആവശ്യപ്പെട്ട് ഇയാള്‍ ബഹളമുണ്ടാക്കുകയും അവിടെയുണ്ടായിരുന്ന ചുറ്റികയെടുത്ത് തലയ്ക്കടിക്കുകയുമായിരുന്നു. ഇയാളെ പാമ്പാടി പൊലീസ് അറസ്റ്റ് ചെയ്തു.