സംസ്ഥാനത്ത് ഇന്ന് സ്വർണവില നിശ്ചലം! അറിയാം ഇന്നത്തെ നിരക്കുകൾ

സംസ്ഥാനത്ത് ഇന്ന് മാറ്റമില്ലാതെ സ്വർണവില. ഒരു പവൻ സ്വർണത്തിന് 46,160 രൂപയും, ഗ്രാമിന് 5,770 രൂപയുമാണ് ഇന്നത്തെ വില നിലവാരം. ഇന്നലെ ഇടിഞ്ഞ സ്വർണവിലയാണ് ഇന്ന് മാറ്റമില്ലാതെ തുടരുന്നത്. ഇന്നലെ ഒരു പവൻ സ്വർണത്തിന് 80 രൂപയും, ഗ്രാമിന് 10 രൂപയും കുറഞ്ഞിരുന്നു. ഇതോടെ, ഇന്നലെയും ഇന്നുമായി ജനുവരിയിലെ ഏറ്റവും താഴ്ന്ന നിലവാരത്തിലാണ് സ്വർണത്തിന്റെ വ്യാപാരം നടക്കുന്നത്.

അന്താരാഷ്ട്ര സ്വർണവിലയ്ക്ക് അനുസൃതമായാണ് ആഭ്യന്തര സ്വർണവില നിശ്ചയിക്കാറുള്ളത്. നിലവിൽ, അന്താരാഷ്ട്ര സ്വർണവില ഇടിവിലാണ് വ്യാപാരം നടത്തുന്നത്. ട്രോയ് ഔൺസിന് 1.39 ഡോളർ താഴ്ന്ന് 2029.56 എന്നതാണ് നിലവാരം. അതേസമയം, കഴിഞ്ഞ ഒരു മാസത്തിനിടെ ആഗോള സ്വർണവിലയിൽ 47.68 ഡോളറിന്റെ വർദ്ധനവാണ് രേഖപ്പെടുത്തിയിരിക്കുന്നത്. വിവാഹ സീസണുകൾ അടുത്തതിനാൽ വില ഇനിയും ഉയർന്നേക്കുമെന്നാണ് വിദഗ്ധരുടെ വിലയിരുത്തൽ.

Also Read: ലോകത്തിലെ ഏറ്റവും വലിയ എണ്ണ ഉൽപ്പാദകരുടെ പട്ടിക പുറത്ത്! ഒന്നാമതെത്തിയത് ഈ രാജ്യം