തൃക്കൊടിത്താനം: മധ്യവയസ്‌കനെ കൊലപ്പെടുത്താന്‍ ശ്രമിച്ച കേസില്‍ യുവാവ് അറസ്റ്റിൽ. തൃക്കൊടിത്താനം പാടത്തുംകുഴി ഭാഗത്ത് പുതുപ്പറമ്പില്‍ കൊച്ചുമോനെ(രതീഷ്-37) ആണ് അറസ്റ്റ് ചെയ്തത്. തൃക്കൊടിത്താനം പൊലീസ് ആണ് അറസ്റ്റ് ചെയ്തത്.
17-ന് വൈകുന്നേരം 4.30-ന് ഇയാളും സുഹൃത്തുക്കളും ചേര്‍ന്ന് തൃക്കൊടിത്താനം സ്വദേശിയായ മധ്യവയസ്‌കനെ കോട്ടമുറി ഭാഗത്തുള്ള കള്ളുഷാപ്പില്‍വച്ച് ആക്രമിച്ച് കൊലപ്പെടുത്താന്‍ ശ്രമിക്കുകയായിരുന്നു. ഇവര്‍ക്ക് മധ്യവയസ്‌കനോട് മുന്‍ വൈരാഗ്യമുണ്ടായിരുന്നു. ഇതിന്‍റെ തുടര്‍ച്ചെയെന്നോണം കോട്ടമുറി ഭാഗത്തുള്ള കള്ളുഷാപ്പില്‍ വച്ച് ഇവര്‍ മധ്യവയസ്‌കനുമായി വാക്കുതര്‍ക്കത്തില്‍ ഏര്‍പ്പെടുകയും തുടര്‍ന്ന്, മര്‍ദിക്കുകയും ഇരുമ്പ് പൈപ്പുകൊണ്ടും ക്രിക്കറ്റ് ബാറ്റുകൊണ്ടും തലയ്ക്കടിച്ച് കൊലപ്പെടുത്താന്‍ ശ്രമിക്കുകയുമായിരുന്നു.
Read Also : ബാലികയെ അശ്ലീല ദൃശ്യങ്ങൾ കാണിക്കുകയും ലൈംഗിക അതിക്രമം നടത്തുകയും ചെയ്തു: പ്രതിക്ക് 6 വർഷം കഠിനതടവും പിഴയും
പരാതിയുടെ അടിസ്ഥാനത്തിൽ തൃക്കൊടിത്താനം പൊലീസ് കേസ് രജിസ്റ്റര്‍ ചെയ്ത് കൊച്ചുമോനെ പിടികൂടുകയായിരുന്നു. അറസ്റ്റിലായ പ്രതിയെ കോടതിയിൽ ഹാജരാക്കി.
Post Your Comments