വീട്ടില്‍ കയര്‍ എടുക്കാനെത്തിയ പെൺകുട്ടിയ്ക്ക് നേരെ ലൈംഗികാതിക്രമം: പ്രതിക്ക് തടവും പിഴയും

ചേർത്തല: ഒന്‍പത് വയസുകാരിക്കു നേരേ ലൈംഗികാതിക്രമം നടത്തിയ പ്രതിക്ക് തടവും പിഴയും ശിക്ഷ വിധിച്ച് കോടതി. ചേർത്തല പ്രത്യേക അതിവേഗ പോക്സോ കോടതിയാണ് തടവും പിഴയും ശിക്ഷ വിധിച്ചത്. ചേർത്തല പൊലീസ് രജിസ്റ്റർ ചെയ്ത കേസിൽ നഗരസഭ 35-ാംവാർഡിൽ നികർത്തിൽ വീട്ടിൽ ജോസഫ് എന്ന തങ്കച്ചനാണ് ആറരവർഷം തടവും 60,000 രൂപാ പിഴയും ശിക്ഷ വിധിച്ചത്.

Read Also : എക്സിനെതിരെ ഗുരുതര ആരോപണങ്ങളുമായി ഉപഭോക്താക്കൾ: അന്വേഷണത്തിന് ഉത്തരവിട്ട് യൂറോപ്യൻ യൂണിയൻ

അമ്മയ്ക്ക് കയർ ഭൂവസ്ത്രം നെയ്യുന്നതിനായി കയർ എടുക്കുവാൻ പ്രതിയുടെ വീട്ടിൽ ചെന്ന കുട്ടിക്കുനേരേ പ്രതി ലൈംഗികാതിക്രമം നടത്തുകയായിരുന്നു എന്നാണ് പ്രോസിക്യൂഷന്‍ കേസ്.

Read Also : ‘പോക്കറ്റ് ഹീറോ’ പദ്ധതിയുമായി സ്വിഗ്ഗി! ഇനി പോക്കറ്റ് കാലിയാക്കാതെ ഭക്ഷണം ഓർഡർ ചെയ്യാം

23 സാക്ഷികളെ ഹാജരാക്കിയതിൽ 19 പേരെ വിസ്തരിച്ചു. 17 രേഖകൾ ഹാജരാക്കി. പ്രോസിക്യൂഷന് വേണ്ടി സ്പെഷ്യൽ പ്രോസിക്യൂട്ടർ ബീന കാർത്തികേയൻ, അഡ്വ. ഭാഗ്യലക്ഷ്മി എന്നിവർ ഹാജരായി.