ഹോം ലോൺ എടുക്കുന്നതിന് മുൻപ് അറിയേണ്ട 8 പ്രധാന കാര്യങ്ങൾ

സ്വന്തമായി ഒരു വീട് വെയ്ക്കുക എന്നത് എല്ലാവരുടെയും ആഗ്രഹമാണ്. നിങ്ങളും നിങ്ങളുടെ കുടുംബവും എടുക്കുന്ന ഏറ്റവും വലിയ സാമ്പത്തിക തീരുമാനങ്ങളിൽ ഒന്നാണ് ഇത്. ആദ്യമായി വീട് വാങ്ങുന്നവരിൽ ഭൂരിഭാഗം പേർക്കും, ഹോം ലോൺ ലഭിക്കുന്നത് മാത്രമാണ് അവരുടെ ഭവന ഉടമസ്ഥാവകാശത്തെക്കുറിച്ചുള്ള അഭിലാഷങ്ങൾ സജീവമാക്കാനുള്ള ഏക മാർഗം. ഭാവന വായ്പയുടെ ബന്ധപ്പെട്ട് ചില കാര്യങ്ങൾ ശ്രദ്ധിക്കേണ്ടതുണ്ട്. അത് എന്തൊക്കെയെന്ന് നോക്കാം.

1. ആവശ്യമായ രേഖകൾ: വായ്പ പ്രോസസ് ചെയ്യാൻ ആവശ്യമായ എല്ലാ രേഖകളും ഉണ്ടായിരിക്കണം. ശമ്പളമുള്ള ഒരു ജീവനക്കാരനാണെങ്കിൽ, നിങ്ങളുടെ അപേക്ഷ പ്രോസസ്സ് ചെയ്യുന്നതിന് ബാങ്കിന് നിങ്ങളുടെ ജോയിനിംഗ് ലെറ്ററും മൂന്ന് മാസത്തെ സാലറി സ്ലിപ്പുകളും ഫോം 26 എ.എസും ആവശ്യമാണ്.

2. കാലയളവ്: ഇഎംഐ എത്രയെന്ന് നിർണ്ണയിക്കുന്ന ഒരു പ്രധാന ഘടകമാണ് ലോൺ കാലാവധി. ഉദാഹരണത്തിന്, 10 ലക്ഷം രൂപ 15 വർഷ കാലാവധിയിൽ 9 ശതമാനം പലിശ നിരക്കിൽ ഇഎംഐ ഏകദേശം ₹10,143 വരും. കാലാവധി 20 വർഷമാകുമ്പോൾ ഇത് ₹8,997 ആയി കുറയും. ഉപഭോക്താവിന്റെ യോഗ്യതയ്ക്ക് വിധേയമായി പരമാവധി 30 വർഷത്തേക്ക് ഭവനവായ്പകൾ അനുവദിക്കാവുന്നതാണ്. ദീർഘകാല കാലാവധി ഇഎംഐ ഭാരം കുറയ്ക്കാൻ സഹായിക്കുന്നു.

3. പ്രതിമാസ തിരിച്ചടവ്: ഇഎംഐ അടയ്ക്കുന്നതിന് സ്ഥിരമായ വരുമാനമുണ്ടെന്ന് ഉറപ്പാക്കുക. തിരിച്ചടവ് മുടങ്ങിയാൽ, ആസ്തി തന്നെ ബാങ്ക് കൈവശപ്പെടുത്താം. അതിനാൽ, ഇഎംഐ തുക താങ്ങാനാവുന്ന തലത്തിൽ നിലനിർത്തുന്നത് നല്ലതാണ്, അതുവഴി ലോൺ എളുപ്പത്തിൽ തിരിച്ചടയ്ക്കാനാകും.

4. ആദ്യം വീട് അല്ലെങ്കിൽ ആദ്യം വായ്പ: ചില ബാങ്കുകളുടെ ഓഫർ പ്രകാരം ഒരാൾക്ക് ആദ്യം വായ്പ നേടാനും ആ ബജറ്റിനുള്ളിൽ ഒരു വീട് വാങ്ങാനും കഴിയും. നേരെമറിച്ച്, ഒരാൾക്ക് ആദ്യം അവരുടെ ഇഷ്ടത്തിനനുസരിച്ച് ഒരു വീട് നോക്കാം, തുടർന്ന് ഒരു വായ്പ ക്രമീകരിക്കാം.

6. യോഗ്യത: ഓരോ ബാങ്കും വായ്പ ലഭിക്കുന്നതിനുള്ള യോഗ്യതാ മാനദണ്ഡങ്ങൾ കൃത്യമായി അറിയിച്ചിരിക്കും. അതിനാൽ, തുടക്കത്തിൽ തന്നെ ബാങ്ക് പറയുന്ന യോഗ്യതാ മാനദണ്ഡം ഉണ്ടോയെന്ന് പരിശോധിക്കേണ്ടതാണ്.

7. മുൻകൂർ പേയ്‌മെന്റ് ചാർജുകൾ: ചിലപ്പോൾ വായ്പ മുൻകൂട്ടി അടയ്ക്കാൻ ചിലർക്ക് സാധിക്കും. അതിനാൽ, ആദ്യം തന്നെ ബാങ്കിന്റെ പ്രീപേയ്‌മെന്റ് ചാർജുകൾ പരിശോധിക്കേണ്ടത് അത്യന്താപേക്ഷിതമാണ്.

8. ഇൻഷൂറൻസ്: ലോൺ തുക ഉൾക്കൊള്ളുന്ന ഒരു ലോൺ കവർ ടേം അഷ്വറൻസ് പ്ലാൻ നിങ്ങൾ വാങ്ങണം. ലഭ്യമായ ഏറ്റവും മികച്ച ഹോം ലോൺ ഇൻഷൂറൻസ് കണ്ടെത്തുക. നിർഭാഗ്യവശാൽ നിങ്ങൾക്ക് എന്തെങ്കിലും സംഭവിച്ചാൽ ഇൻഷൂറൻസ് കമ്പനി വായ്പ തിരിച്ചടച്ചതിനാൽ ഇത് നിങ്ങളുടെ കുടുംബത്തെ കുടിശ്ശികയുള്ള വായ്പയുടെ ബാധ്യതയിൽ നിന്ന് മോചിപ്പിക്കും. വാസ്തവത്തിൽ, ഹോം ലോൺ ലഭ്യമാക്കുന്ന സമയത്ത് നിങ്ങൾ ഇൻഷൂറൻസ് വാങ്ങണമെന്ന് നിരവധി വായ്പക്കാർ നിർബന്ധിക്കും.