ചിങ്ങവനം: വീട്ടമ്മയെ ആറ്റിൽ മുങ്ങിമരിച്ച നിലയില്‍ കണ്ടെത്തി. പള്ളം, തൈച്ചിറയില്‍ പരേതനായ രവിയുടെ ഭാര്യ ചന്ദ്രിക രവി(65) ആണ് മരിച്ചത്.
Read Also : വയനാട്ടില്‍ യുവാവിനെ കൊന്ന് ഭക്ഷിച്ച നരഭോജി കടുവയെ തിരിച്ചറിഞ്ഞു
ഇന്നലെ പുലര്‍ച്ചെ അഞ്ചിന് പള്ളം കരിമ്പിന്‍കാലായ്ക്ക് സമീപം ആറിന്‍റെ തീരത്തുകൂടെ നടന്നുപോയ ചന്ദ്രികയെ പത്തോടെയാണ് മുങ്ങിമരിച്ച നിലയില്‍ കണ്ടെത്തിയത്. കണ്ണിന്‍റെ ചികിത്സയ്ക്കായി ആശുപത്രിയിലേക്ക് പുലര്‍ച്ചെ വീട്ടില്‍ നിന്നു പോയതായിരുന്നു ചന്ദ്രിക. ആറിന്‍റെ തീരത്തുകൂടി നടക്കുന്നതിനിടയില്‍ കാല്‍വഴുതി വെള്ളത്തിലേക്ക് വീണതാണെന്നാണ് പ്രാഥമിക നിഗമനം.
വിവരം അറിയിച്ചതിനെത്തുടര്‍ന്ന് ചിങ്ങവനം പൊലീസ് സ്ഥലത്തെത്തി മൃതദേഹം കരയ്‌ക്കെടുത്ത് ജില്ലാ ആശുപത്രി മോര്‍ച്ചറിയിലേക്ക് മാറ്റി. സംഭവത്തില്‍ ചിങ്ങവനം പൊലീസ് അസ്വാഭാവിക മരണത്തിന് കേസെടുത്തു. മക്കള്‍: അജിത, അമ്പിളി, അനീഷ്.
Post Your Comments