മധ്യപ്രദേശിലും രാജസ്ഥാനിലും ബിജെപി മുന്നേറ്റം, ഛത്തീസ്‌ ഗഢിൽ ഇഞ്ചോടിഞ്ചു പോരാട്ടം

വോട്ടെണ്ണലിന്‍റെ ആദ്യ ഫല സൂചനകൾ പ്രകാരം തെലങ്കാനയിൽ കോൺഗ്രസാണ് മുന്നേറുന്നത്. എന്നാൽ, മധ്യപ്രദേശിലും രാജസ്ഥാനിലും ബിജെപി ആണ് ലീഡ് ചെയ്യുന്നത്. ഛത്തിസ്ഗഡിലാകട്ടെ ഇഞ്ചോടിഞ്ച് പോരാട്ടമാണ് നടക്കുന്നതെന്നാണ് വ്യക്തമാക്കുന്നത്.

അതേസമയം, രാജസ്ഥാൻ ബി ജെ പി ആസ്ഥാനത്ത് ആഘോഷം തുടങ്ങി. മോദി മുദ്രാവാക്യങ്ങളുമായാണ് പ്രവർത്തകർ പാർട്ടി ആസ്ഥാനത്ത് ആഘോഷം നടത്തുന്നത്. ഇതിനിടെ ഛത്തിസ്ഗഡിലെ വോട്ടെണ്ണൽ ആദ്യ ഒരു മണിക്കൂർ പിന്നിടുമ്പോൾ മുഖ്യമന്ത്രി ഭൂപേഷ് ബാഗൽ പിന്നിലാണെന്നാണ് വിവരം.