മണിമല: സഹോദരനെ ആക്രമിച്ചു കൊലപ്പെടുത്താൻ ശ്രമിച്ച കേസിൽ വയോധികൻ പൊലീസ് പിടിയിൽ. മണിമല ആലപ്ര വട്ടുകുന്നാമല ഭാഗത്ത് മുള്ളൻകുഴിയിൽ ജോസ് ചാക്കോ(71)യെയാണ് അറസ്റ്റ് ചെയ്തത്. മണിമല പൊലീസ് ആണ് അറസ്റ്റ് ചെയ്തത്.
കഴിഞ്ഞ ദിവസം ഉച്ചയോടുകൂടി ഇയാൾ തന്‍റെ സഹോദരനെ ചീത്ത വിളിക്കുകയും കല്ല് ഉപയോഗിച്ച് ആക്രമിക്കുകയുമായിരുന്നു. സഹോദരന്‍റെ ഉടമസ്ഥതയിലുള്ള വസ്തുവിന്‍റെ ആധാരം ജോസ് ചാക്കോ ഇയാളോട് ചോദിക്കുകയും സഹോദരൻ ഇത് നൽകാതിരിക്കുകയും ചെയ്തതിലുള്ള വിരോധം മൂലമാണ് ഇയാൾ ആക്രമിച്ചത്.
Read Also : സോപ്പ് തെരഞ്ഞെടുക്കുമ്പോള്‍ ശ്രദ്ധിക്കേണ്ട കാര്യങ്ങളറിയാം
പരാതിയെ തുടർന്ന്, മണിമല പൊലീസ് കേസ് രജിസ്റ്റർ ചെയ്യുകയും ഇയാളെ അറസ്റ്റ് ചെയ്യുകയുമായിരുന്നു. മണിമല സ്റ്റേഷൻ എസ്എച്ച്ഒ ജയപ്രകാശ്, എസ്ഐമാരായ ബിനോയ് മാത്യു, വി.പി. അനിൽകുമാർ, എഎസ്ഐ സിന്ധുമോൾ, സിപിഒമാരായ ജിമ്മി ജേക്കബ്, വിശാൽ, ബിജേഷ് എന്നിവർ ചേർന്നാണ് ഇയാളെ അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
Post Your Comments