സ്വർണാഭരണ പ്രിയർക്ക് നേരിയ ആശ്വാസം! വിലയിൽ ഇന്നും ഇടിവ്

സംസ്ഥാനത്ത് ഇന്നും സ്വർണവിലയിൽ ഇടിവ്. ഒരു പവൻ സ്വർണത്തിന് ഇന്ന് 80 രൂപയാണ് കുറഞ്ഞത്. ഇതോടെ, ഒരു പവൻ സ്വർണത്തിന്റെ ഇന്നത്തെ വിപണി വില 45,000 രൂപയായി. ഒരു ഗ്രാം സ്വർണത്തിന് 10 രൂപ കുറഞ്ഞ് 5,625 രൂപ നിലവാരത്തിലാണ് ഇന്ന് വ്യാപാരം പുരോഗമിക്കുന്നത്. ഈ മാസത്തെ ഏറ്റവും താഴ്ന്ന നിലവാരം കൂടിയാണിത്. കഴിഞ്ഞ മൂന്ന് ദിവസത്തിനിടെ ഒരു പവൻ സ്വർണത്തിന് 280 രൂപയുടെ കുറവ് രേഖപ്പെടുത്തിയിട്ടുണ്ട്. നിലവിൽ, സ്വർണവില ഘട്ടം ഘട്ടമായി കുറയുന്ന പ്രവണതയാണ് ദൃശ്യമാകുന്നത്.

ആഗോള വില അടിസ്ഥാനപ്പെടുത്തിയാണ് ആഭ്യന്തര സ്വർണവില നിശ്ചയിക്കുന്നത്. ആഗോള വിപണിയിലെ വിലയിടിവാണ് ആഭ്യന്തര വിപണിയിൽ പ്രതിഫലിച്ചിട്ടുള്ളത്. സ്വർണം ഔൺസിന് 1,972.75 ഡോളർ നിലവാരത്തിലാണ് ഇന്ന് വ്യാപാരം നടക്കുന്നത്. കഴിഞ്ഞ ദിവസങ്ങളിൽ ആഗോള ഓഹരി വിപണി ഇടിഞ്ഞതിനെ തുടർന്ന് സ്വർണവില കുതിച്ചിരുന്നു. സ്വർണവില താഴുന്നതിനാൽ വ്യാപാരം വർദ്ധിച്ചേക്കുമെന്ന ശുഭപ്രതീക്ഷയിലാണ് വ്യാപാരികൾ. അതേസമയം, സംസ്ഥാനത്ത് ഇന്ന് വെള്ളി വിലയിൽ മാറ്റമില്ല. ഒരു ഗ്രാം വെള്ളിക്ക് 78 രൂപയും, 8 ഗ്രാം വെള്ളിക്ക് 625 രൂപയുമാണ് ഇന്നത്തെ വില നിലവാരം.

Also Read: ഉ​ല്ലാ­​സ­​യാ­​ത്രയ്ക്കിടെ ഹൃ­​ദ­​യാ­​ഘാ​തം മൂലം സ്­​കൂ​ള്‍ വി­​ദ്യാ​ര്‍­​ത്ഥി­​നി മരിച്ചു