മുത്തങ്ങ ചെക്ക് പോസ്റ്റിൽ എം.ഡി.എം.എയുമായി മലപ്പുറം സ്വദേശികൾ പിടിയിൽ

സുൽത്താൻ ബത്തേരി: എം.ഡി.എം.എയുമായി മലപ്പുറം സ്വദേശികളായ യുവാക്കൾ അറസ്റ്റിൽ. തിരൂർ, എ.പി അങ്ങാടി, പൂക്കയിൽ വീട്ടിൽ, പി. ഷെബിൻ (26), തിരൂർ, ബി.പി അങ്ങാടി, താലെക്കര വീട്ടിൽ, ടി.ബി. ഹനീഫ(38) എന്നിവരെയാണ് അറസ്റ്റ് ചെയ്തത്. ബത്തേരി പൊലീസ് ആണ് ഇവരെ അറസ്റ്റ് ചെയ്തത്.

Read Also : അന്യമതസ്ഥനെ പ്ര​ണ​യിച്ച 14കാരിയായ മകളെ കൊ​ല്ലാ​ന്‍ ശ്ര​മി​ച്ച് പി​താ​വ്: കസ്റ്റഡിയിൽ

ചൊവ്വാഴ്ച ഉച്ചക്ക് മുത്തങ്ങ ചെക്ക് പോസ്റ്റിന് സമീപം വെച്ചാണ് ഇവർ പിടിയിലായത്. 7.62 ഗ്രാം എം.ഡി.എം.എ ഇവരിൽ നിന്ന് കണ്ടെടുത്തു.

ഇവരെ പിടികൂടിയ പൊലീസ് സംഘത്തിൽ എസ്.ഐ സി.എം. സാബു, സി.പി.ഓ അനിത്ത് കുമാർ, സുജിത്ത് എന്നിവരാണ് ഉണ്ടായിരുന്നത്. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.