കടുത്തുരുത്തി: അനുജത്തിയുടെ സംസ്‌കാര ചടങ്ങുകളില്‍ പങ്കെടുത്ത ശേഷം വീട്ടിലേക്ക് മടങ്ങാനിരിക്കെ സഹോദരി കുഴഞ്ഞുവീണു മരിച്ചു. വാലാച്ചിറ, ആലക്കാട്ടുപറമ്പില്‍ പരേതനായ നാരായണന്‍റെ ഭാര്യ തങ്കമ്മ നാരായണന്‍ (72) ആണ് മരിച്ചത്. തങ്കമ്മയുടെ സഹോദരി കോരുത്തോട് ഒറ്റകപ്പിലുമാവുങ്കല്‍ ബേബിയുടെ ഭാര്യ മേരി(68) ഈ മാസം 26-ന് മരിച്ചിരുന്നു.
Read Also : നിയന്ത്രണംവിട്ട ബൈക്ക് റോഡരികിൽ നിർത്തിയിട്ടിരുന്ന കാറിൽ ഇടിച്ചു: ഒരാൾക്ക് പരിക്ക്
മൂന്ന് ദിവസത്തിനിടെയായിരുന്നു സഹോദരിമാരുടെ മരണം. 28-ന് നടന്ന മേരിയുടെ സംസ്‌കാരത്തില്‍ പങ്കെടുക്കാനെത്തിയ തങ്കമ്മ ചടങ്ങുകള്‍ കഴിഞ്ഞ് 29-ന് തിരിച്ചു വീട്ടിലേക്കു പോരാനിരിക്കെയാണ് കുഴഞ്ഞു വീണത്. തുടര്‍ന്ന്, മുണ്ടക്കത്തെ സ്വകാര്യ ആശുപത്രിയിലെത്തിച്ച തങ്കമ്മയെ ഗുരുതരമായതിനാല്‍ കോട്ടയം മെഡിക്കല്‍ കോളജിലേക്കു മാറ്റി. ഇവിടെ ചികിത്സയിലിരിക്കെ ഇന്നലെ വെളുപ്പിന് 2.15 ഓടെ മരിക്കുകയായിരുന്നു.
സംസ്‌ക്കാരം നടത്തി. മക്കൾ: ബിന്ദു, ബിനീഷ്, സിന്ധു.
Post Your Comments