കോട്ടയം: സെക്കന്തരാബാദ്-തിരുവനന്തപുരം ശബരി എക്സ്പ്രസിൽ വനിത ടി.ടി.ഇക്കുനേരെ ലൈംഗികാതിക്രമം നടത്തിയ മധ്യവയസ്കൻ അറസ്റ്റിൽ. തിരുവനന്തപുരം പൂവാർ ചന്തവിളകം ജേസഡിമ മാനുവലാണ് (64) അറസ്റ്റിലായത്. റെയിൽവേ പൊലീസ് ആണ് അറസ്റ്റ് ചെയ്തത്.
ശനിയാഴ്ച ഉച്ചക്കാണ് സംഭവം. ശബരി എക്സ്പ്രസ് ചിങ്ങവനം അടുക്കാറായപ്പോൾ ട്രെയിനിലെ റിസർവേഷൻ കമ്പാർട്ട്മെന്‍റിൽ ഡ്യൂട്ടിയിലുണ്ടായിരുന്ന ടി.ടി.ഇക്കു നേരെയാണ് മദ്യലഹരിയിലായിരുന്ന ഇയാൾ ലൈംഗിക അതിക്രമം നടത്തിയത്.
Read Also : മൂന്നു നിലകളുള്ള 108 പടികളുള്ള പടിക്കിണർ!! നൂറ്റാണ്ടുകള്‍ പഴക്കമുള്ള ഈ കിണർ നിങ്ങളെ അത്ഭുതപ്പെടുത്തും
ഇതേ ട്രെയിനിൽ ഡ്യൂട്ടിയിലുണ്ടായിരുന്ന കോട്ടയം റെയിൽവേ പൊലീസ് സ്റ്റേഷനിലെ സിവിൽ പൊലീസ് ഓഫീസർ ഗോകുൽ തിലക് വിവരം അറിയിച്ചതിനെത്തുടർന്ന് എസ്.എച്ച്.ഒ റെജി പി. ജോസഫിന്‍റെ നേതൃത്വത്തിൽ തിരുവല്ല റെയിൽവേ സ്റ്റേഷനിലെത്തി പ്രതിയെ അറസ്റ്റ് ചെയ്യുകയായിരുന്നു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
Post Your Comments