ഡല്‍ഹി: ട്രാന്‍സ്‌ജെന്‍ഡര്‍ വിഭാഗത്തെ പ്രത്യേക ജാതിയായി കണക്കാക്കാനാവില്ലെന്ന് വ്യക്തമാക്കി സുപ്രീംകോടതി. പ്രത്യേക വിഭാഗമായി ജാതി പട്ടികയില്‍ ഉള്‍പ്പെടുത്താനുള്ള ബിഹാര്‍ സര്‍ക്കാരിന്റെ തീരുമാനത്തിനെതിരെയുള്ള ഹര്‍ജി പരിഗണിക്കവെയാണ് സുപ്രീം കോടതിയുടെ നിരീക്ഷണം. മൂന്നാമതൊരു ലിംഗമെന്ന നിലയില്‍ ചില ആനുകൂല്യങ്ങള്‍ നല്‍കാമെന്നും എന്നാല്‍ പ്രത്യേക ജാതി എന്ന നിലയില്‍ നല്‍കാനാവില്ലെന്നും സുപ്രീം കോടതി പറഞ്ഞു.
ട്രാന്‍സ്‌ജെന്‍ഡറുകള്‍ക്കായി ബിഹാര്‍ സര്‍ക്കാര്‍ പ്രത്യേക കോളം നല്‍കിയിട്ടുള്ളതിനാല്‍ അവരുടെ വിവരങ്ങള്‍ സംസ്ഥാനത്തിന് ലഭ്യമാകുമെന്നും ഹര്‍ജി തള്ളിക്കൊണ്ട് ജസ്റ്റിസ് സഞ്ജീവ് ഖന്ന അധ്യക്ഷനായ ബെഞ്ച് പറഞ്ഞു. ട്രാന്‍സ്‌ജെന്‍ഡര്‍ ഒരിക്കലും ഒരു ജാതിയല്ല. ഇപ്പോള്‍ 3 കോളങ്ങളുണ്ട് പുരുഷന്‍, സ്ത്രീ, ട്രാന്‍സ്‌ജെന്‍ഡര്‍. അതിനാല്‍ ഡാറ്റ ലഭ്യമാകുമെന്നും ബെഞ്ച് നിരീക്ഷിച്ചു.
ബ്ലാക്ക് ഫംഗസ്: ഓൺലൈൻ തട്ടിപ്പ് സംഘാംഗത്തെ അറസ്റ്റ് ചെയ്ത് പോലീസ്
കഴിഞ്ഞ വര്‍ഷം ജൂണിലാണ് ജാതി സര്‍വ്വേ നടത്താന്‍ ബിഹാര്‍ സര്‍ക്കാര്‍ തീരുമാനിച്ചത്. അടുത്തിടെ ബിഹാര്‍ സർക്കാർ ജാതി സര്‍വ്വേ പുറത്തു വിട്ടിരുന്നു. ജാതി സര്‍വ്വേ രാജ്യത്ത് വലിയ രീതിയിലുള്ള ചര്‍ച്ചകള്‍ക്കും വഴിവെച്ചിരിക്കുന്നതിനിടയിലാണ്, ട്രാന്‍സ്‌ജെന്‍ഡര്‍ വിഭാഗത്തെ പുതിയ ജാതിയായി പരിഗണിക്കണമെന്ന് ബിഹാര്‍ സര്‍ക്കാര്‍ ആവശ്യം ഉന്നയിച്ചത്.
Post Your Comments