പത്തനംതിട്ട: നിർത്തിയിട്ട കാറിൽ ക‍യറിയെന്നാരോപിച്ച് വിദ്യാർത്ഥിയെ റോഡിൽ തടഞ്ഞുനിർത്തി മർദിച്ചു യുവാവ് പിടിയിൽ. സംഭവത്തിന്‍റെ ദൃശ്യങ്ങളും സമൂഹമാധ്യമങ്ങളിൽ പ്രചരിക്കുകയാണ്.
പത്തനംതിട്ട കിടങ്ങൂരിൽ ആണ് സംഭവം. സംഭവത്തിൽ പ്രതി അനുരാജിനെതിരെ പൊലീസ് കേസെടുത്തിട്ടുണ്ട്. വഴിയിൽ നിർത്തിയിട്ടിരുന്ന കാറിൽ മദ്യപിച്ച് ലക്കുകെട്ട നിലയിൽ ആക്രമിക്കപ്പെട്ട വിദ്യാർത്ഥിയും സുഹൃത്തും അനുരാജിനെ കണ്ടിരുന്നു. ഇരുവരും കാർ വിൻഡോയിലൂടെ അകത്തേക്ക് നോക്കുന്നതിനിടെ അനുരാജ് വിദ്യാർഥികളെ കാണുകയും പിന്നാലെ പുറത്തിറങ്ങിയ ശേഷം ആക്രമിക്കുകയായിരുന്നു. വിദ്യാർത്ഥി കാറിനുള്ളിലേക്ക് കയറിയെന്നാരോപിച്ചായിരുന്നു മർദനം.
Read Also : കാന്‍സര്‍ രോഗം ആറ് മാസം കൊണ്ട് പൂര്‍ണമായും മാറി, 42കാരിയെ തുണച്ചത് ഡോക്ടര്‍ നിര്‍ദ്ദേശിച്ച ഈ മരുന്ന്
വിദ്യാർത്ഥിയുടെ മുഖത്തടിക്കുന്നതിന്‍റേയും ക്രൂരമായി മർദിക്കുന്നതിന്‍റേയും ദൃശ്യങ്ങൾ സമൂഹമാധ്യമങ്ങളിൽ പ്രചരിച്ചതോടെ പൊലീസ് പ്രതിയെ വിളിച്ചുവരുത്തുകയും ചോദ്യം ചെയ്യുകയുമായിരുന്നു. പിന്നാലെ കേസെടുത്തു. നിലവിൽ ജാമ്യം കിട്ടാവുന്ന വകുപ്പുകൾ പ്രകാരമാണ് കേസെടുത്തിരിക്കുന്നത്. യുവാവിനെ വൈകീട്ടോടെ റിമാൻഡിൽ വിടും.
Post Your Comments