ഗുരുവായൂർ: കൊലപാതകശ്രമം ഉൾപ്പെടെ പത്തോളം ക്രിമിനൽ കേസുകളിലെ പ്രതി പൊലീസ് പിടിയിൽ. കോട്ടപ്പടി പിള്ളക്കാട് കോളനിയിൽ ചുള്ളിപ്പറമ്പിൽ വിഷ്ണു(23)വിനെയാണ് അറസ്റ്റ് ചെയ്തത്.
Read Also : വാഹനാപകടം; രണ്ട് മരണം, നടുക്കം വിട്ടുമാറാതെ റോഡിൽ കുത്തിയിരിക്കുന്ന നടി ഗായത്രി ജോഷി; ചിത്രം വൈറൽ
ഗുരുവായൂർ പൊലീസ് കാപ്പ ചുമത്തിയാണ് യുവാവിനെ അറസ്റ്റ് ചെയ്തത്. കോട്ടപ്പടിയിൽവെച്ച് സ്വകാര്യ ബാങ്ക് ജീവനക്കാരനെ മർദിച്ച് പണവും രേഖകളും കവർന്ന കേസിൽ ഒളിവിലായിരുന്നു ഇയാൾ.
എസ്.എച്ച്.ഒ വി.വി. വിമൽ, സീനിയർ സിവിൽ പൊലീസ് ഓഫിസർമാരായ ഉദയകുമാർ, കിഷോർ, നിഷാദ്, അഭിനന്ദ്, സുമേഷ് എന്നിവരടങ്ങിയ പൊലീസ് സംഘമാണ് പ്രതിയെ അറസ്റ്റ് ചെയ്തത്. ചാവക്കാട് ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
Post Your Comments