ജമ്മു കശ്മീരില്‍ ഭീകരുടെ നുഴഞ്ഞുകയറ്റ ശ്രമം സൈന്യം പരാജയപ്പെടുത്തി, രണ്ട് ഭീകരരെ വധിച്ചു

ശ്രീനഗർ: ജമ്മു കശ്മീരില്‍ ഭീകരുടെ നുഴഞ്ഞുകയറ്റ ശ്രമം പരാജയപ്പെടുത്തി സൈന്യം. നിയന്ത്രണ രേഖയില്‍ കുപ്‌വാരയിലെ മാച്ചില്‍ സെക്ടറിലെ കുംകാടിയിലാണ് നുഴഞ്ഞുകയറ്റ ശ്രമം നടന്നത്. ഏറ്റുമുട്ടലില്‍ രണ്ട് ഭീകരരെ സൈന്യം വധിച്ചു.

രഹസ്യവിവരത്തിന്റെ അടിസ്ഥാനത്തില്‍ സൈന്യവും കുപ്‌വാര പൊലീസും സംയുക്തമായാണ് തെരച്ചില്‍ നടത്തിയത്. രണ്ട് എകെ 47 തോക്കുകള്‍, രണ്ട് പാകിസ്ഥാന്‍ നിര്‍മ്മിത പിസ്റ്റളുകള്‍ 2,100 രൂപയുടെ പാകിസ്ഥാന്‍ നോട്ടുകള്‍ എന്നിവ സ്ഥലത്ത് നിന്ന് കണ്ടെടുത്തു. സൈനിക നടപടി ഇപ്പോഴും തുടരുകയാണ്.