ഇ-പാൻ ഇനി എളുപ്പത്തിൽ ഡൗൺലോഡ് ചെയ്യാം, ഈ രേഖ മാത്രം മതി

സാമ്പത്തിക ഇടപാടുകൾക്ക് ഇന്ന് അനിവാര്യമായ രേഖകളിൽ ഒന്നാണ് പാൻ കാർഡ്. സാധാരണ നിലയിൽ അപേക്ഷിച്ച് ഏറെ ദിവസങ്ങൾ കഴിഞ്ഞാണ് പാൻ കാർഡ് ലഭിക്കുക. എന്നാൽ, ഓൺലൈൻ മുഖാന്തരം വളരെ എളുപ്പത്തിലും വേഗത്തിലും ഉപഭോക്താക്കൾക്ക് ഇ-പാൻ കാർഡ് ഡൗൺലോഡ് ചെയ്യാനാകും. ഇതിനായി ആധാർ നമ്പർ മാത്രമാണ് ആവശ്യമായിട്ടുള്ളത്. ഉപഭോക്താക്കൾക്ക് ആദായനികുതി പോർട്ടൽ സന്ദർശിച്ച് ഇ-പാൻ ഡൗൺലോഡ് ചെയ്യാവുന്നതാണ്. കൂടാതെ, ആധാർ ഇ-കെവൈസി ഉപയോഗിച്ച് പാൻ ഓൺലൈനായും അപ്ഡേറ്റ് ചെയ്യാൻ കഴിയും. ഇവ എങ്ങനെയെന്ന് പരിചയപ്പെടാം.