സംസ്ഥാനത്ത് ഇന്ന് കുതിച്ചുയർന്ന് സ്വർണവില, അറിയാം ഇന്നത്തെ നിരക്കുകൾ

സംസ്ഥാനത്ത് ഇന്ന് സ്വർണവിലയിൽ വർദ്ധനവ്. ഒരു പവൻ സ്വർണത്തിന് ഇന്ന് 240 രൂപയാണ് ഉയർന്നത്. ഇതോടെ, ഒരു പവൻ സ്വർണത്തിന്റെ ഇന്നത്തെ വിപണി വില 44,000 രൂപയായി. ഒരു ഗ്രാം സ്വർണത്തിന് 5,550 രൂപ നിരക്കിലാണ് ഇന്ന് വ്യാപാരം പുരോഗമിക്കുന്നത്. അഞ്ച് ദിവസത്തെ ഇടവേളയ്ക്ക് ശേഷം രണ്ട് ദിവസം കൊണ്ട് ഒരു പവൻ സ്വർണത്തിന് 400 രൂപയുടെ വർദ്ധനവാണ് രേഖപ്പെടുത്തിയത്. ഇന്നലെ ഒരു പവൻ സ്വർണത്തിന് 160 രൂപയും, ഒരു ഗ്രാം സ്വർണത്തിന് 20 രൂപയും വർദ്ധിച്ചിരുന്നു.

നിലവിലെ സ്ഥിതി തുടരുകയാണെങ്കിൽ ആഗോള വിപണിക്ക് സമാനമായി, പ്രാദേശിക വിലയും ഉയർന്നേക്കുമെന്നാണ് വിലയിരുത്തൽ. ആഗോള വിപണിയിൽ സ്വർണം ഔൺസിന് 1,936.74 ഡോളറിലാണ് വ്യാപാരം നടക്കുന്നത്. തുടർച്ചയായ തളർച്ചകൾക്കു ശേഷം ആഗോള വിപണിയിൽ സ്വർണം തിരിച്ചുവരികയാണ്. അതേസമയം, സംസ്ഥാനത്ത് ഇന്ന് വെള്ളി വിലയിൽ മാറ്റമില്ല. ഒരു ഗ്രാം വെള്ളിക്ക് 81 രൂപയാണ് വിപണി. ഒരു ഗ്രാം ഹാൾമാർക്ക് വെള്ളിയുടെ വില 103 രൂപയാണ്.

Also Read: ഓണക്കാലത്ത് പൊടിപൊടിച്ച് സ്വർണവിപണി, ഇക്കുറിയും മലയാളികൾ വാങ്ങിക്കൂട്ടിയത് കോടികളുടെ സ്വർണം