ടെക്നോ പോവ 5 ഹാൻഡ്സെറ്റ് വാങ്ങാൻ ആഗ്രഹമുണ്ടോ? ഓഫർ വിലയിൽ ആമസോണിൽ നിന്ന് സ്വന്തമാക്കാം

ഇന്ത്യൻ വിപണിയിൽ ചുരുങ്ങിയ കാലയളവ് കൊണ്ട് തരംഗമായി മാറിയ സ്മാർട്ട്ഫോൺ നിർമ്മാതാക്കളാണ് ടെക്നോ. അത്യാകർഷകമായ ഡിസൈനിലാണ് ടെക്നോ ഓരോ ഹാൻഡ്സെറ്റുകളും പുറത്തിറക്കാറുളളത്. ഇത്തവണ ടെക്നോയുടെ ഏറ്റവും പുതിയ 5ജി സ്മാർട്ട്ഫോണായ ടെക്നോ പോവ 5 ഓഫർ വിലയിൽ വാങ്ങാനുള്ള അവസരമാണ് ഉപഭോക്താക്കൾക്ക് ലഭിക്കുന്നത്. പ്രമുഖ ഇ-കോമേഴ്സ് പ്ലാറ്റ്ഫോമായ ആമസോണാണ് ഓഫർ വിലയിൽ ഈ സ്മാർട്ട്ഫോൺ ലഭ്യമാക്കുന്നത്. ഓഫറിനെ കുറിച്ച് കൂടുതൽ അറിയാം.

ഓഗസ്റ്റ് 22-നാണ് ടെക്നോ പോവ 5 സീരീസ് ഇന്ത്യൻ വിപണിയിൽ അവതരിപ്പിച്ചത്. ഈ സീരീസിൽ ടെക്നോ പോവ 5, ടെക്നോ പോവ 5 പ്രോ എന്നിങ്ങനെ രണ്ട് സ്മാർട്ട്ഫോണുകളാണ് ഉള്ളത്. ടെക്നോ പോവ 5 ഹാൻഡ്സെറ്റിന്റെ വില 11,999 രൂപയാണ്. അതേസമയം, ടെക്നോ പോവ പ്രോ രണ്ട് വേരിയന്റുകളിൽ വാങ്ങാൻ സാധിക്കും. 8 ജിബി റാം പ്ലസ് 128 ജിബി ഇന്റേണൽ സ്റ്റോറേജ് ഉള്ള മോഡലിന് 14,999 രൂപയും, 8 ജിബി റാം പ്ലസ് 256 ജിബി ഇന്റേണൽ സ്റ്റോറേജ് ഉള്ള മോഡലിന് 15,999 രൂപയുമാണ് വില. ഈ ഹാൻഡ്സെറ്റുകൾ ആമസോൺ മുഖാന്തരം വാങ്ങുമ്പോൾ എച്ച്ഡിഎഫ്സി ഡെബിറ്റ് കാർഡ് ഉടമകൾക്ക് ഇഎംഐ സൗകര്യം പ്രയോജനപ്പെടുത്താവുന്നതാണ്. ഈ ഇഎംഐ ഓപ്ഷനിലൂടെ 1,000 രൂപയുടെ കിഴിവ് ലഭിക്കും. മറ്റ് തിരഞ്ഞെടുത്ത ബാങ്കുകൾക്കും 1,000 രൂപയുടെ ഡിസ്കൗണ്ട് ലഭിക്കുന്നതാണ്.

Also Read: മലയാളി യുവതിയെ പങ്കാളി തലയ്ക്കടിച്ച് കൊന്നു: കൊല്ലം സ്വദേശി പിടിയിൽ