സംസ്ഥാനത്ത് ഇന്ന് മാറ്റമില്ലാതെ സ്വർണവില

സംസ്ഥാനത്ത് ഇന്ന് സ്വർണവിലയിൽ മാറ്റമില്ല. ഒരു പവൻ സ്വർണത്തിന് ഇന്ന് 43,600 രൂപയാണ് വിപണി നിരക്ക്. ഒരു ഗ്രാം സ്വർണത്തിന് 5,450 രൂപ നിലവാരത്തിലാണ് ഇന്ന് വ്യാപാരം പുരോഗമിക്കുന്നത്. തുടർച്ചയായ രണ്ടാം ദിനമാണ് സംസ്ഥാനത്ത് സ്വർണവില നിശ്ചലമായി തുടരുന്നത്. ഇന്നലെയും വിലയിൽ മാറ്റങ്ങൾ ഉണ്ടായിരുന്നില്ല.

കഴിഞ്ഞ വ്യാഴാഴ്ച, ഒരു പവൻ സ്വർണത്തിന് 120 രൂപ വർദ്ധിച്ചിരുന്നു. കൂടാതെ, ചൊവ്വ, ബുധൻ ദിവസങ്ങളിലും പവന് 80 രൂപയുടെ വർദ്ധനവാണ് രേഖപ്പെടുത്തിയത്. ഈ മാസത്തെ ആദ്യത്തെ രണ്ട് ആഴ്ചകളിലും സ്വർണവില താരതമ്യേന താഴ്ന്നിരുന്നു. ആഗോളതലത്തിൽ ഉണ്ടായ ഇടിവാണ് ആഭ്യന്തര സ്വർണ വിലയിലും പ്രതിഫലിച്ചിരിക്കുന്നത്. ആഗോളതലത്തിൽ സ്വർണവില ഇടിവിലാണ് ഉള്ളത്. ട്രോയ് ഔൺസിന് 0.90 ഡോളർ താഴ്ന്ന് 1,914.89 രൂപ നിലവാരത്തിലാണ് വ്യാപാരം പുരോഗമിക്കുന്നത്. അതേസമയം, സംസ്ഥാനത്ത് ഇന്ന് വെള്ളി വിലയിൽ മാറ്റമില്ല. ഒരു ഗ്രാം വെള്ളിക്ക് 79.50 രൂപയാണ് നിരക്ക്.

Also Read: മധുരയിൽ നിർത്തിയിട്ടിരുന്ന ട്രെയിനിൽ പാചകം ചെയ്യവേ തീപിടിച്ച് മരിച്ചവരുടെ എണ്ണം 10 ആയി, 20 പേർക്ക് പരിക്ക്