ഇടുക്കി: മൂന്നാറില്‍ റോഡരികില്‍ നിര്‍ത്തിയിട്ടിരുന്ന ഓട്ടോറിക്ഷ മോഷ്ടിച്ച സംഭവത്തില്‍ പ്രതി പിടിയില്‍. കാന്തല്ലൂര്‍ കീഴാന്തൂര്‍ സ്വദേശി മധുസൂദനനെയാണ് മൂന്നാര്‍ പൊലീസ് അറസ്റ്റ് ചെയ്തത്.
മൂന്നാര്‍ ന്യൂ കോളനി സ്വദേശി എ നേശമണിയുടെ ഓട്ടോയാണ് കഴിഞ്ഞ ദിവസം മോഷണം പോയത്. ഇക്കാനഗറിലെ സ്വകാര്യ റിസോര്‍ട്ടിന് മുന്‍പില്‍ നിര്‍ത്തിയിട്ടിരുന്ന ഓട്ടോ മുഖം മറച്ച് വന്ന് പ്രതി മോചിപ്പിക്കുകയായിരുന്നു.
റിസോര്‍ട്ടിലെ സിസി ടിവി പരിശോധിച്ചതില്‍ നിന്നാണ് മുഖം മറച്ച് വന്നയാള്‍ ഓട്ടോറിക്ഷ കടത്തി കൊണ്ടു പോയതായി കണ്ടെത്തിയത്. തുടര്‍ന്ന് നേശമണി മൂന്നാര്‍ പൊലീസില്‍ പരാതി നല്‍കി. തുടര്‍ന്ന് നടത്തിയ അന്വേഷണത്തിലാണ് പ്രതിയെ തമിഴ്‌നാട് പഴനിയില്‍ നിന്നും പിടികൂടിയത്. മോഷണത്തില്‍ കൂടുതല്‍ പേര്‍ക്ക് പങ്കുള്ളതായി കണ്ടെത്തിയതായി സിഐ രാജന്‍ കെ അരമന പറഞ്ഞു. ഇവര്‍ക്കായി അന്വേഷണം ഊര്‍ജിതമാക്കിയിട്ടുണ്ട്. മൂന്നാര്‍ എസ്‌ഐ അജേഷ് കെ ജോണ്‍, സുധീര്‍ മണികണ്ഠന്‍, ഷിജോ അനന്ദു എന്നിവരുടെ സംഘമാണ് പ്രതിയെ പിടികൂടിയത്.
Post Your Comments