പൊലീസ് ഓഫീസർ ചമഞ്ഞ് കബളിപ്പിച്ചു: മലയാളി നഴ്സിങ് വിദ്യാർത്ഥി പിടിയിൽ

മംഗളൂരു: പൊലീസ് സബ് ഇൻസ്പെക്ടറുടെ വേഷവും ലോഗോയും ഉപയോഗിച്ച് പൊലീസ് ഓഫീസർ ചമഞ്ഞ മലയാളി നഴ്സിങ് വിദ്യാർത്ഥി അറസ്റ്റിൽ. നഗരത്തിലെ പ്രമുഖ സ്ഥാപനത്തിൽ പഠിക്കുന്ന ഇടുക്കി സ്വദേശി ബെനഡിക്ട് സാബുവാണ്(25) അറസ്റ്റിലായത്. മംഗളൂരു ഉർവ പൊലീസ് ആണ് അറസ്റ്റ് ചെയ്തത്.

Read Also : 10 വ​യ​സ് മു​ത​ൽ പെ​ൺ​കു​ട്ടി​യ്ക്ക് നേരെ ലൈം​ഗി​ക അ​തി​ക്ര​മം: ര​ണ്ടാ​ന​ച്ഛന് 20 വ​ർ​ഷം ത​ട​വും പി​ഴ​യും

ഇയാളിൽ നിന്ന് ഏതാനും വ്യാജ തിരിച്ചറിയൽ കാർഡുകൾ പിടിച്ചെടുത്തു. 380 മൈക്രോൺ പ്ലാസ്റ്റിക്കിൽ തയ്യാറാക്കിയ വ്യാജ തിരിച്ചറിയൽ കാർഡുകൾ ആണ് പിടിച്ചെടുത്തത്. അന്വേഷണ ഏജൻസിയായ ‘റോ’യുടെ ഓഫീസർ, കേരള പൊലീസ് സബ് ഇൻസ്പെക്ടർ, കൃഷി-കർഷക ക്ഷേമ വകുപ്പ് ഉദ്യോഗസ്ഥൻ എന്നിങ്ങനെയാണ് വ്യാജ ഐഡികൾ.

എസ്.ഐയുടെ യൂണിഫോം, ലോഗോ, ഷൂ, മെഡൽ, ബെൽറ്റ്, തൊപ്പി, ലാപ്‌ടോപ്പ്, മൊബൈൽ ഫോണുകൾ എന്നിവയും കണ്ടെടുത്തു. അതേസമയം, അറസ്റ്റിലായ വിദ്യാർത്ഥി എന്തെങ്കിലും തട്ടിപ്പ് നടത്തിയതായി പൊലീസിന് പരാതി ലഭിച്ചിട്ടില്ല.