യു​വ​തി​യു​ടെ മൃ​ത​ദേ​ഹം കൊ​ണ്ടു​പോ​കാ​ന്‍ എത്തിയ ആം​ബു​ല​ന്‍സ് ത​ട​ഞ്ഞു: രണ്ടുപേർ അറസ്റ്റിൽ

പു​ന​ലൂ​ർ: പു​ന​ലൂ​ർ താ​ലൂ​ക്കാ​ശു​പ​ത്രി​യി​ല്‍ മ​രി​ച്ച അ​ർ​ബു​ദ രോ​ഗി​യാ​യ യു​വ​തി​യു​ടെ മൃ​ത​ദേ​ഹം കൊ​ണ്ടു​പോ​കാ​ന്‍ എ​ത്തി​യ ആം​ബു​ല​ന്‍സ് ത​ട​ഞ്ഞ് ഭ​ര്‍ത്താ​വി​നെയും ബ​ന്ധു​ക്ക​ളെ​യും ആ​ക്ര​മി​ച്ച സം​ഭ​വ​ത്തി​ൽ ര​ണ്ടു​പേർ അറസ്റ്റിൽ. താ​ലൂ​ക്കാ​ശു​പ​ത്രി​ക്ക് മു​ന്നി​ലെ സ്റ്റാ​ന്‍ഡി​ല്‍ ആം​ബു​ല​ന്‍സ് ഡ്രൈ​വ​ര്‍മാ​രാ​യ പു​ന​ലൂ​ര്‍ മ​ഞ്ഞ​മ​ണ്‍കാ​ല ഷെ​ഫീ​ക്ക് മ​ന്‍സി​ലി​ല്‍ ഷ​മീ​ര്‍ (25), കാ​ഞ്ഞി​ര​മ​ല പു​തി​യ​തോ​പ്പ് ലി​ബി ഭ​വ​നി​ല്‍ ലി​ബി​ന്‍ (28) എ​ന്നി​വ​രാ​ണ് പി​ടി​യി​ലാ​യ​ത്. പു​ന​ലൂ​ർ പൊ​ലീ​സ് ആണ് അ​റ​സ്റ്റ് ചെ​യ്തത്.

ഞാ​യ​റാ​ഴ്ച വൈ​കീ​ട്ട് താ​ലൂ​ക്കാ​ശു​പ​ത്രി​ക്കു മു​ന്നി​ലാ​യി​രു​ന്നു സം​ഭ​വം. ഭ​ര്‍ത്താ​വ് രാ​മ​ച​ന്ദ്ര​ന്‍, ബ​ന്ധു​ക്ക​ളാ​യ സു​ജി​ത്, അ​ജ​ന്‍ സ​ജി​ത് എ​ന്നി​വ​ര്‍ക്കാ​ണ് പ​രി​ക്കേ​റ്റ​ത്. സം​ഭ​വവുമാ​യി ബ​ന്ധ​മു​ള്ള മ​റ്റു ര​ണ്ടു ആം​ബു​ല​ന്‍സ് ഡ്രൈ​വ​ര്‍മാ​ർ ഒ​ളി​വി​ലാ​ണ്. കൊ​ട്ടാ​ര​ക്ക​ര ഓ​ട​നാ​വ​ട്ടം മു​ട്ട​റ പ്ലാ​ങ്കാ​ല വീ​ട്ടി​ല്‍ എ​ല്‍. മ​ഞ്ജു​വി​ന്റെ (35) മൃ​ത​ദേ​ഹം കൊ​ണ്ടു​പോ​കാ​ന്‍ പു​റ​ത്തു​നി​ന്നും എ​ത്തി​ച്ച ആം​ബു​ല​ന്‍സാ​ണ് ഇ​വ​ർ ത​ട​ഞ്ഞ​ത്.

Read Also : നിങ്ങൾക്ക് പണ്ടുതൊട്ടേ എന്നെ താൽപര്യമില്ല, ഞാൻ അകലുന്നു: കാമുകനൊപ്പം പോകും മുൻപ് ദീപിക ഭർത്താവിനെ വിളിച്ച് പറഞ്ഞതിങ്ങനെ

മ​ണി​ക്കൂ​റു​ക​ള്‍ക്കു ശേ​ഷം പൊ​ലീ​സ് ഇ​ട​പെ​ട്ടാ​ണ് മൃ​ത​ദേ​ഹം ഓ​ട​നാ​വ​ട്ട​ത്തേ​ക്ക് അ​യ​ച്ച​ത്. ഇ​ത്ര​യും നേ​രം മൃ​ത​ദേ​ഹം താ​ലൂ​ക്കാ​ശു​പ​ത്രി​യി​ല്‍ കി​ട​ന്നു. വ​ധ​ശ്ര​മം ഉ​ള്‍പ്പ​ടെ വ​കു​പ്പു​ക​ളാ​ണ് പൊ​ലീ​സ് ചു​മ​ത്തി​യി​ട്ടു​ള്ള​ത്.

ഇ​ന്‍സ്‌​പെ​ക്ട​ര്‍ ടി. ​രാ​ജേ​ഷ്‌​കു​മാ​ര്‍, എ​സ്.​ഐ​മാ​രാ​യ എം.​എ​സ്. അ​നീ​ഷ്, എം. ​അ​ജി​കു​മാ​ര്‍, ഉ​ദ​യ​ന്‍ തു​ട​ങ്ങി​യ​വ​രു​ടെ നേ​തൃ​ത്വ​ത്തി​ലാ​യി​രു​ന്നു അ​റ​സ്റ്റും തു​ട​ര്‍ന​ട​പ​ടി​ക​ളും. അ​ർ​ബു​ദം മൂ​ർ​ച്ഛി​ച്ച് ഒ​രാ​ഴ്ച​യാ​യി താ​ലൂ​ക്കാ​ശു​പ​ത്രി​യി​ലെ സാ​ന്ത്വ​ന പ​രി​ച​ര​ണ വി​ഭാ​ഗ​ത്തി​ല്‍ ചി​കി​ത്സ​യി​ലാ​യി​രു​ന്നു മ​ഞ്ജു. ഞാ​യ​റാ​ഴ്ച ഉ​ച്ച​ക്കാണ് മ​ര​ണം സംഭവിച്ചത്.