ന്യൂഡല്‍ഹി: ഡല്‍ഹിയില്‍ ഐഫോണ്‍ തട്ടിപ്പറിക്കാനുളള ശ്രമത്തിനിടയില്‍ അധ്യാപികയെ മോഷ്ടാക്കള്‍ റോഡിലൂടെ വലിച്ചിഴച്ചു. സാകേത്സ് ഗ്യാന്‍ ഭാരതി സ്‌കൂളിലെ അധ്യാപികയായ യോവിക ചൗധരിയാണ് ആക്രമണത്തിനിരയായത്. ബൈക്കിലെത്തിയ രണ്ടുപേര്‍ ആണ് ഫോൺ തട്ടിയെടുക്കാന്‍ ശ്രമിച്ചത്.
Read Also : മാസപ്പടി വിവാദം കോൺഗ്രസും സിപിഎമ്മും പുതുപ്പള്ളിയിൽ ചർച്ചയാക്കാൻ പോകുന്നില്ല: കെ സുരേന്ദ്രൻ
സ്‌കൂളില്‍ നിന്ന് തിരികെ വീട്ടിലേക്ക് മടങ്ങവേയായിരുന്നു സംഭവം. ബൈക്കിലെത്തിയ രണ്ടുപേര്‍ അധ്യാപികയുടെ ഫോണ്‍ തട്ടിയെടുക്കാന്‍ ശ്രമിച്ചു. തുടര്‍ന്നുണ്ടായ സംഘര്‍ഷത്തില്‍ യോവിക ഓട്ടോയില്‍ നിന്ന് തെറിച്ച്‌ വീഴുകയും മോഷ്ടാക്കള്‍ ഫോണുമായി ഓടി രക്ഷപെടുകയുമായിരുന്നു.
വീഴ്ചയില്‍ യോവികയുടെ മൂക്കിന് പൊട്ടലും മറ്റ് പരിക്കുകളും ഉണ്ടായിട്ടുണ്ട്. അവര്‍ ഇപ്പോള്‍ ആശുപത്രിയില്‍ ചികിത്സയിലാണ്. കവര്‍ച്ചക്കാര്‍ക്കെതിരെ സാകേത് പൊലീസ് സ്റ്റേഷനില്‍ കേസ് രജിസ്റ്റര്‍ ചെയ്തിട്ടുണ്ട്. സംഭവത്തില്‍ പൊലീസ് അന്വേഷണം ആരംഭിച്ചു.
Post Your Comments