കഴക്കൂട്ടം : അമിതവേഗത്തിലെത്തിയ ബൈക്കിടിച്ചുണ്ടായ അപകടത്തിൽ മൂന്നു വിദ്യാർത്ഥികൾക്ക് പരിക്കേറ്റു. തുണ്ടത്തിൽ മാധവ വിലാസം ഹയർസെക്കൻഡറി സ്കൂളിലെ മൂന്നു വിദ്യാർത്ഥികൾക്കാണ് പരിക്കേറ്റത്.
വൈകിട്ട് നാലിനു സ്കൂൾ വിട്ട സമയത്താണ് ചെങ്കോട്ടുകോണത്തേക്കു അമിത വേഗത്തിൽ വന്ന ബൈക്ക് വിദ്യാർത്ഥികളെ ഇടിച്ചത്‌. അപകടത്തിൽ പത്താംക്ലാസ് വിദ്യാർത്ഥി അമലിന്‍റെ കൈ ഒടിഞ്ഞു. തെറിച്ചു വീണ പ്ലസ് ടു വിദ്യാർത്ഥികളായ അലി ഫാത്തിമ, സാറഫാത്തിമ എന്നിവർക്കും പരിക്കേറ്റു. അമലിനെയും സാറ ഫാത്തിമയെയും മെഡിക്കൽ കോളജ് ആശുപത്രിയിലും അലി ഫാത്തിമയെ സ്വകാര്യ ആശുപത്രിയിലും പ്രവേശിപ്പിച്ചു.
കഴക്കൂട്ടം പൊലീസ് സ്ഥലത്തെത്തി പരിശോധിച്ചു. രാവിലെയും വൈകിട്ടും പലസ്ഥലങ്ങളിൽ നിന്നുള്ള യുവാക്കൾ സ്കൂളിനു മുന്നിലൂടെ ബൈക്ക് റേസ് നടത്തുന്നത് പതിവ് കാഴ്ചയാണെന്നും അധികൃതർ നടപടി സ്വീകരിക്കുന്നില്ലെന്നും നാട്ടുകാർ ആരോപിച്ചു.
Post Your Comments