ഓയോ റൂമിൽ യുവതിയെ കത്തി കയറ്റി കൊലപ്പെടുത്തി: സംഭവം കൊച്ചിയില്‍

കൊച്ചി: കൊച്ചിയിൽ ഓയോ റൂമിൽ യുവതിയെ കഴുത്തിൽ കത്തി കയറ്റി കൊലപ്പെടുത്തി. ലിറ്റിൽ ഫ്ലവർ ചർച്ച് റോഡിലുള്ള ഓയോ റൂമിലാണ് കൊലപാതകം നടന്നത്.

ഓയോ റൂമിൽ താമസത്തിനെത്തിയ രേഷ്മ (22) യാണ് കൊല്ലപ്പെട്ടത്. സംഭവത്തിൽ ഓയോ റൂം കെയർ ടേക്കറായ പ്രതി നൗഷാദിനെ പൊലീസ് പിടികൂടി. ഇരുവരും തമ്മിൽ നേരത്തെ ബന്ധമുണ്ടായിരുന്നുവെന്നാണ് വിവരം. ഇന്നാണ് പെൺകുട്ടി റൂമിൽ എത്തിയത്. കൊലപാതകത്തിന് കാരണം വ്യക്തമായിട്ടില്ല. പൊലീസ് സംഘം സ്ഥലത്തെത്തി അന്വേഷണം ആരംഭിച്ചു.