മിന്നു മണി നിശ്ചയദാർഢ്യമുള്ള തദ്ദേശീയ യുവതയുടെ പ്രതീകം: മുഖ്യമന്ത്രി

തിരുവനന്തപുരം: നിശ്ചയദാർഢ്യമുള്ള തദ്ദേശീയ യുവതയുടെ പ്രതീകമാണ് ഇന്ത്യൻ വനിതാ ക്രിക്കറ്റ് താരം മിന്നു മണിയെന്നു മുഖ്യമന്ത്രി പിണറായി വിജയൻ. തിരുവനന്തപുരം അയ്യങ്കാളി ഹാളിൽ തദ്ദേശീയ ജനതയുടെ അന്തർദേശീയ ദിനാഘോഷ ചടങ്ങിന്റെ ഉദ്ഘാടന വേദിയിൽ മിന്നു മണിയെ ആദരിച്ചു സംസാരിക്കുകയായിരുന്നു അദ്ദേഹം.

Read Also: മുഖ്യമന്ത്രിയുടെ ഓഫീസിൽ ബോംബ് വയ്ക്കുമെന്ന് ഭീഷണിപ്പെടുത്തിയ ആൾ അറസ്റ്റിൽ

ലോക ക്രിക്കറ്റ് ഭൂപടത്തിൽ തന്റേതായ സ്ഥാനമുറപ്പിക്കാനും ക്രിക്കറ്റ് ലോകത്തിന്റെ നെറുകയിലെത്താനും മിന്നുവിനു കഴിയട്ടെയെന്നു മുഖ്യമന്ത്രി ആശംസിച്ചു. ഇന്ത്യൻ സീനിയർ 20-20 ടീമിൽ അംഗമാകുന്ന ആദ്യ മലയാളി ക്രിക്കറ്റ് താരമാണ് വയനാട് സ്വദേശിയായ മിന്നുമണി. കേരള ടീമിനു വേണ്ടിയും ഇന്ത്യ എ ടീമിനു വേണ്ടിയും മികച്ച പ്രകടനം മിന്നു നടത്തി. വരും തലമുറയ്ക്കു മിന്നു മണി പ്രചോദനമാകട്ടെയെന്നും അദ്ദേഹം പറഞ്ഞു. വേദിയിൽ പൊന്നാടണയിയിച്ച് ആദരിച്ച ശേഷം മിന്നുവിനു ചുണ്ടൻ വള്ളത്തിന്റെ മാതൃകയും മുഖ്യമന്ത്രി സമ്മാനിച്ചു.

Read Also: ദേശീയ ഹാൻഡ്‌ബോൾ മത്സരം: വീഴ്ച വരുത്തിയവർക്കെതിരെ നടപടി സ്വീകരിക്കണമെന്ന് ബാലാവകാശ കമ്മീഷൻ