സ്മാർട്ട്ഫോൺ പ്രേമികൾ ആകാംക്ഷയോടെ കാത്തിരിക്കുന്ന റെഡ്മിയുടെ 12 സീരീസിലെ ഹാൻഡ്സെറ്റുകൾ ഇനി വിപണിയിലെത്താൻ വിരലിലെണ്ണാവുന്ന ദിവസങ്ങൾ മാത്രം ബാക്കി. ഇത്തവണ റെഡ്മി 12 5ജി, 4ജി ഹാൻഡ്സെറ്റുകളാണ് വിപണിയിൽ അവതരിപ്പിക്കുന്നത്. ഓഗസ്റ്റ് ഒന്നിനാണ് ഈ ഹാൻഡ്സെറ്റുകളുടെ ഔദ്യോഗിക ലോഞ്ചിംഗ് തീയതി. ഈ രണ്ട് ഹാൻഡ്സെറ്റുകളിലും സമാനമായ ഫീച്ചറുകളാണ് നൽകിയിട്ടുള്ളത്. ഇവയെക്കുറിച്ച് കൂടുതൽ പരിചയപ്പെടാം.
6.79 ഇഞ്ച് എഫ്എച്ച്ഡി+ ഡിസ്പ്ലേയാണ് ഈ സ്മാർട്ട്ഫോണുകൾക്ക് നൽകാൻ സാധ്യത. 90 ഹെർട്സ് ഫ്രഷ് റേറ്റ് പ്രതീക്ഷിക്കാവുന്നതാണ്. 50 മെഗാപിക്സൽ പ്രൈമറി ക്യാമറ, 8 മെഗാപിക്സൽ അൾട്രാവൈഡ് ക്യാമറ, 2 മെഗാപിക്സൽ മാക്രോ ക്യാമറ എന്നിവയാണ് പിന്നിൽ സജ്ജീകരിച്ചിരിക്കുന്നത്. 8 മെഗാപിക്സലാണ് സെൽഫി ക്യാമറ. 6 ജിബി റാം പ്ലസ് 128 ജിബി ഇന്റേണൽ സ്റ്റോറേജ്, 8 ജിബി റാം പ്ലസ് 256 ജിബി ഇന്റേണൽ സ്റ്റോറേജ് എന്നിങ്ങനെ രണ്ട് സ്റ്റോറേജ് വേരിയന്റുകളിലാണ് വാങ്ങാൻ സാധിക്കുക. കൃത്യമായ വില വിവരങ്ങൾ ലഭ്യമല്ലെങ്കിലും, റെഡ്മി 12 5ജിയുടെ വില 13,999 രൂപ മുതൽ പ്രതീക്ഷിക്കാവുന്നതാണ്.
Post Your Comments