ചെന്നൈ: നടി ശോഭനയുടെ വീട്ടിൽ മോഷണം. ചെന്നൈയിലെ വീട്ടിലാണ് മോഷണം നടന്നത്. വീട്ടുജോലിക്കാരിയാണ് മോഷണം നടത്തിയത്. കടലൂർ സ്വദേശിയായ വിജയയാണ് മോഷണം നടത്തിയതെന്ന് പോലീസ് കണ്ടെത്തി.
Read Also: മുഖം തിളക്കമുള്ളതാക്കാൻ ഉരുളക്കിഴങ്ങ് ഫേസ് പാക്ക് ഉപയോഗിക്കൂ
ശോഭനയുടെ അമ്മയെ ശുശ്രൂഷിക്കാനായാണ് വിജയ ഇവരുടെ വീട്ടിലെത്തിയത്. മാർച്ച് മുതലാണ് മോഷണം ആരംഭിച്ചത്. പണം നഷ്ടപ്പെടുന്നുവെന്ന സംശയം തോന്നിയ ശോഭന, വിജയയോട് ചോദിച്ചപ്പോൾ അറിയില്ലെന്നായിരുന്നു ഇവർ മറുപടി നൽകിയത്. തുടർന്നാണ് താരം പോലീസിൽ പരാതി നൽകിയത്. പിന്നീട് നടന്ന അന്വേഷണത്തിലാണ് സംഭവത്തിന്റെ സത്യാവസ്ഥ പുറത്തറിഞ്ഞത്.
മോഷ്ടിച്ചെടുത്ത പണം ശോഭനയുടെ ഡ്രൈവർ മുരുകന്റെ ഗൂഗിൾ പേ അക്കൗണ്ട് വഴി, മകൾക്ക് കൈമാറിയെന്ന് വിജയ വെളിപ്പെടുത്തി. സത്യം മനസിലായതോടെ ശോഭന പരാതി പിൻവലിച്ചുവെന്ന് പോലീസ് വ്യക്തമാക്കി. മോഷ്ടാക്കൾക്ക് താക്കീത് നൽകി വിട്ടയച്ചുവെന്നാണ് വിവരം.
Read Also: താരനെ നിയന്ത്രിക്കാൻ ഈ ഹെയർ മാസ്ക് ഉപയോഗിക്കൂതാരനെ നിയന്ത്രിക്കാൻ ഈ ഹെയർ മാസ്ക് ഉപയോഗിക്കൂ
Post Your Comments