‘അമ്മയ്ക്ക് ടെൻഷനാണ്’- വിമാനത്തിൽ ഓക്സിജൻ മാസ്കിട്ട സോണിയയുടെ ഫോട്ടോയുമായി രാഹുൽ

ന്യൂഡൽഹി: ഓക്സിജൻ മാസ്കുമായി വിമാനത്തിലിരിക്കുന്ന സോണിയ ഗാന്ധിയുടെ ചിത്രം പങ്കിട്ട് രാഹുൽ ഗാന്ധി. ഇന്നലെ ഇരുവരും സഞ്ചരിച്ച വിമാനം ഭോപ്പാലിൽ അടിയന്തിര ലാൻഡിങ് നടത്തിയതിനു പിന്നാലെ സോണിയാ ഗാന്ധിയെ അഭിനന്ദിച്ചാണ് രാഹുൽ ട്വീറ്റ് ചെയ്തത്.
‘സൗമ്യതയുടെ പ്രതീകമായ അമ്മ സമ്മർദ്ദത്തിലാണ്’ എന്നാണ് സോണിയ ഗാന്ധിയുടെ ചിത്രം പങ്കുവച്ചുകൊണ്ട് രാഹുൽ ഗാന്ധി ട്വീറ്റ് ചെയ്തത്.

സമൂഹമാധ്യമത്തിൽ ചിത്രം പോസ്റ്റ് ചെയ്ത് ഒരു മണിക്കൂറിനുള്ളിൽ 1.8 ലക്ഷം പ്രതികരണങ്ങളാണ് ലഭിച്ചത്. ബെംഗളൂരുവിൽ നടന്ന വിശാല പ്രതിപക്ഷ പാർട്ടി യോഗത്തിനു ശേഷം ഡൽഹിയിലേക്ക് മടങ്ങവേയാണ് രാഹുലും സോണിയയും സഞ്ചരിച്ച വിമാനം അടിയന്തര ലാൻഡിങ് നടത്തിയത്.

ചില സാങ്കേതിക തകരാറുകൾ മൂലമാണ് വിമാനത്തിന് അടിയന്തര ലാൻഡിങ് നടത്തേണ്ടി വന്നതെന്ന് കോൺഗ്രസ് പ്രതികരിച്ചു. ഇന്നലെ ബെംഗളൂരുവിലെ യോഗത്തിനു ശേഷം രാത്രി 9.30 നുള്ള ഇൻഡിഗോ വിമാനത്തിലാണ് ഇരുവരും ഡൽഹിക്ക് തിരിച്ചത്. അതേസമയം, സോണിയ ഗാന്ധിയും രാഹുല്‍ ഗാന്ധിയും സഞ്ചരിച്ചിരുന്ന വിമാനം അടിയന്തരമായി നിലത്തിറക്കി.

മോശം കാലാവസ്ഥയെ തുടർന്ന് വമാനം മധ്യപ്രദേശിലെ ഭോപ്പാലിലാണ് അടിയന്തരമായി നിലത്തിറക്കിയത്. കർണാടകയിലെ പ്രതിപക്ഷ പാർട്ടികളുടെ യോഗത്തില്‍ പങ്കെടുത്ത ശേഷം ബെംഗളൂരുവിൽ നിന്ന് സോണിയാ ഗാന്ധിയും രാഹുൽ ഗാന്ധിയും ദില്ലിക്ക് മടങ്ങിയ വിമാനമാണ് അടിയന്തിരമായി തിരിച്ചിറക്കിയത്.