കൊല്ലം: തെറ്റായ ദിശയിലൂടെ വന്ന കെഎസ്ആര്‍ടിസി ബസ് ബൈക്കിലിടിച്ച് ബൈക്ക് യാത്രക്കാരായ യുവതിയും യുവാവും മരിച്ചു. ആലപ്പുഴ ചെറുകര കാവാലം ചെട്ടിച്ചിറ സാബുവിന്‍റെ മകള്‍ എസ്. ശ്രുതി (25), കോഴിക്കോട് പീക്കിലോട് നന്മണ്ട മേലേ പിലാത്തോട്ടത്തില്‍ അബ്ദുല്‍ ജമാലിന്‍റെ മകന്‍ മുഹമ്മദ് നിഹാല്‍ (25) എന്നിവരാണ് മരിച്ചത്.
ഇന്നലെ പുലര്‍ച്ചെ 4.45-ന് ദേശീയപാതയില്‍ കാവനാടിന് സമീപം കൊല്ലം ബൈപാസ് തുടങ്ങുന്ന ആല്‍ത്തറമൂട് ജംഗ്ഷനിലായിരുന്നു അപകടം നടന്നത്. തിരുവനന്തപുരം ഭാഗത്തുനിന്നും ആലപ്പുഴയിലേക്ക് പോകുകയായിരുന്ന ബൈക്കില്‍ തിരുവനന്തപുരത്തേക്ക് വന്ന സൂപ്പര്‍ഫാസ്റ്റ് ബസ് ഇടിക്കുകയായിരുന്നു. കെഎസ്ആര്‍ടിസി ബസ് ദിശ തെറ്റിച്ചാണ് എത്തിയത്.
മൃതദേഹങ്ങള്‍ ജില്ലാ ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്.
Post Your Comments