പാരീസ്: ഫ്രഞ്ച് പ്രസിഡന്റായ ഇമ്മാനുവല്‍ മാക്രോണിന് തപാല്‍ വഴി ഛേദിക്കപ്പെട്ട മനുഷ്യന്റെ ശരീര ഭാഗം ലഭിച്ചു. പാഴ്‌സല്‍ വഴി ലഭിച്ചത് മനുഷ്യന്റെ വിരലാണെന്നാണ് സൂചന. പ്രസിഡന്റിന്റെ ഔദ്യോഗിക വസതിയായ പാരീസിലെ എലിസി കൊട്ടാരത്തില്‍ ഫസ്റ്റ് ക്ലാസ് തപാല്‍ വഴിയാണ് പാക്കേജ് എത്തിച്ചത് . എലിസി കൊട്ടാരത്തിലേക്ക് കൊണ്ടുവന്ന പാഴ്‌സലിന്റെ വിവരം പ്രസിഡന്‍ഷ്യല്‍ ഹോമിലെ ഉദ്യോഗസ്ഥനാണ് പുറത്ത് വിട്ടത്. നടപടിക്ക് പിന്നിലെ കാരണം കണ്ടെത്താന്‍ അന്വേഷണം പുരോഗമിക്കുകയാണ്.
Read Also: ഓക്‌സിജന്‍ മാസ്‌കിന് തീപിടിച്ചു: ഐസിയുവില്‍ ചികിത്സയ്ക്കിടെ രോഗി മരിച്ചു
ഇതുവരെ പ്രതിയെ തിരിച്ചറിഞ്ഞിട്ടില്ല. അതേസമയം ഇത് ഭീഷണി സന്ദേശത്തിനു തുല്യമാണെന്നാണ് സൂചന . ഫ്രഞ്ച് പ്രസിഡന്റിന് വര്‍ഷങ്ങളായി ബുള്ളറ്റുകള്‍ ഉള്‍പ്പെടെ നിരവധി കാര്യങ്ങള്‍ ഇത്തരത്തില്‍ ലഭിച്ചിട്ടുണ്ട് . എന്നാല്‍ ഛേദിക്കപ്പെട്ട ശരീരഭാഗം ഇതാദ്യമായാണ് വരുന്നത് . ജൂണ്‍ 27 ന് പോലീസ് ഉദ്യോഗസ്ഥന്റെ വെടിയേറ്റ് നഹെല്‍ എന്ന 17 വയസ്സുള്ള ഡെലിവറി ഏജന്റിന്റെ മരണത്തെത്തുടര്‍ന്ന് ആരംഭിച്ച അക്രമാസക്തമായ പ്രതിഷേധങ്ങളെ തുടര്‍ന്ന് ഫ്രാന്‍സിലെ അന്തരീക്ഷം കലുഷിതമാണ്.
Post Your Comments