പ്രളയം: ഡൽഹിയിൽ 5 സോണുകളിലായി തുറന്നത് 33 ദുരിതാശ്വാസ ക്യാമ്പുകൾ, ഇതുവരെ അഭയം പ്രാപിച്ചവരുടെ എണ്ണം 7000 കവിഞ്ഞു

രാജ്യ തലസ്ഥാനമായ ഡൽഹിയിൽ വെള്ളപ്പൊക്ക ഭീതിയെ തുടർന്ന് ഇതുവരെ ആരംഭിച്ചത് 33 ദുരിതാശ്വാസ ക്യാമ്പുകൾ. ഡൽഹിയിലെ 5 സോണുകളിലാണ് ദുരിതാശ്വാസ ക്യാമ്പുകൾ പ്രവർത്തിക്കുന്നത്. സിറ്റി പഹർഗജ് സോൺ, സെൻട്രൽ സോൺ, സിവിൽ ലൈസൻസ് സോൺ, ഷഹ്ദാര നോർത്ത് സോൺ, ഷഹ്ദാര സൗത്ത് സോൺ എന്നിങ്ങനെ 5 സോണുകളിലായാണ് ക്യാമ്പുകൾ. നിലവിൽ, ഡൽഹിയുടെ വിവിധ ഭാഗങ്ങളിൽ നിന്നും 7,371-പേരാണ് വിവിധ ദുരിതാശ്വാസ ക്യാമ്പുകളിൽ അഭയം പ്രാപിച്ചിരിക്കുന്നത്.

വെള്ളപ്പൊക്കത്തിന് സമാനമായ സാഹചര്യവും, താഴ്ന്ന പ്രദേശങ്ങളിലെ വെള്ളക്കെട്ടും രൂക്ഷമായതോടെയാണ് ജനങ്ങളെ ദുരിതാശ്വാസ ക്യാമ്പുകളിലേക്ക് മാറ്റി താമസിപ്പിക്കാനുള്ള പ്രവർത്തനങ്ങൾ സർക്കാറിന്റെ നേതൃത്വത്തിൽ ആരംഭിച്ചത്. 33 ദുരിതാശ്വാസ ക്യാമ്പുകളിലെ ക്രമീകരണങ്ങൾക്കായി മുൻസിപ്പൽ കോർപ്പറേഷൻ ഓഫ് ഡൽഹി (എംസിഡി) ഓരോ നോഡൽ ഓഫീസർമാരെ നിർമ്മിച്ചിട്ടുണ്ട്. ഈ കേന്ദ്രങ്ങളിൽ 22 മണിക്കൂറും ശുചീകരണ തൊഴിലാളികളുടെ വിന്യാസം, സൗജന്യ മരുന്നുകൾ, സൗജന്യ കുടിവെള്ളം, ഭക്ഷണം എന്നിവ ഉറപ്പുവരുത്തിയിട്ടുണ്ട്. കൂടാതെ, കൊതുക് പടർത്തുന്ന രോഗങ്ങൾ പടരാതിരിക്കാൻ എംസിഡി മുഖേന നിവാരണം മരുന്നുകളും സ്പ്രേ ചെയ്യുന്നുണ്ട്.

Also Read: ശക്തമായ മഴക്ക് സാധ്യത: ഡൽഹിയിൽ ഇന്ന് യെല്ലോ അലേർട്ട്, പ്രളയ ഭീതിയില്‍ ജനങ്ങൾ