റോ​ഡി​ലൂ​ടെ ന​ട​ന്നു​പോ​യ വീ​ട്ട​മ്മ​യു​ടെ മാ​ല ക​വ​ർ​ന്നു: ര​ണ്ടുപേ​ർ​ അറസ്റ്റിൽ

കാ​ട്ടാ​ക്ക​ട: പ​ട്ടാ​പ​ക​ൽ റോ​ഡി​ലൂ​ടെ ന​ട​ന്നു​പോ​യ വീ​ട്ട​മ്മ​യു​ടെ മാ​ല ക​വ​ർ​ന്ന കേ​സി​ൽ ര​ണ്ടുപേ​ർ പൊ​ലീ​സ് പിടിയിൽ. മ​ല​യി​ൻ​കീ​ഴ് കു​ഴി​മം വൃ​ന്ദാ​വ​ൻ വീ​ട്ടി​ൽ അ​ഭി​ഷേ​ക് (23), മ​ല​യി​ൻ​കീ​ഴ് അ​ണ​പ്പാ​ട് കൃ​ഷ്ണ​കൃ​പ​യി​ൽ അ​ർ​ജു​ൻ (21) എ​ന്നി​വ​രെ​യാ​ണ് പിടികൂടിയത്. നെ​യ്യാ​ർ​ഡാം പൊ​ലീ​സ് ആണ് ഇവരെ പി​ടി​കൂ​ടി​യ​ത്.

Read Also : ഈന്തപ്പഴം രാവിലെ വെറും വയറ്റിൽ കഴിക്കുന്നതിന്റെ ​ഗുണങ്ങളറിയാം

ക​ഴി​ഞ്ഞ 24-ന് ആണ് കേസിനാസ്പദമായ സംഭവം നടന്നത്. ​റോ​ഡി​ലൂ​ടെ ന​ട​ന്നു പോ​യ ജ​യ​കു​മാ​രി​യു​ടെ മാ​ല ക​വ​ർ​ന്ന കേസിലാണ് അറസ്റ്റ്. പ്ര​തി​ക​ൾ മോ​ഷ​ണ​ത്തി​ന് ഉ​പ​യോ​ഗി​ച്ച ബൈ​ക്കും ക​ണ്ടെ​ത്തി. ഇ​വ​ർ അ​മ്പൂ​രി​യി​ലും ഇ​തേ രീ​തി​യി​ൽ മാ​ല പി​ടി​ച്ചു പ​റി​ച്ചി​രു​ന്നു. അ​മ്പൂ​രി പാ​ല​വി​ള വീ​ട്ടി​ൽ ശോ​ഭി​യു​ടെ ഒ​ന്ന​ര​പ​വ​ന്‍റെ മാ​ല​യാ​ണ് കവർന്നത്.

കാ​ട്ടാ​ക്ക​ട ഡി​വൈ​എ​സ്പി ഷി​ബു​വി​ന്‍റെ നേ​തൃ​ത്വ​ത്തി​ൽ നെ​യ്യാ​ർ​ഡാം എ​സ്ഐ എ​സ്.​മ​നോ​ജ്, എ​സ് ഐ ​റെ​ജി ലൂ​ക്കോ​സ് എ​ന്നി​വ​ർ ഉ​ൾ​പ്പെ​ട്ട ടീ​മാ​ണ് പ്ര​തി​ക​ളെ പി​ടി​കൂ​ടി​യ​ത്. പ്രതികളെ കോടതിയിൽ ഹാജരാക്കി.