ചോദിച്ച പണം നൽകിയില്ല, മാതാവിന് മർദ്ദനം: മകനെ പിതാവ് പെട്രോൾ ഒഴിച്ച് കത്തിച്ച് കൊന്നു

മംഗളൂരു: പണം ചോദിച്ചത് നൽകാത്തതിന് മാതാവിനെ മർദിച്ച യുവാവിനെ പിതാവ് പെട്രോൾ ഒഴിച്ച് കത്തിച്ച് കൊന്നു. പിതാവ് ജീവനോടെ പെട്രോൾ ഒഴിച്ച് കത്തിച്ച് കൊന്നു. കെ.ജയറാമയ്യയാണ്(58) മകൻ അദ്രാഷയെ(28) പെട്രോൾ ഒഴിച്ച് കത്തിച്ച് കൊന്നത്.

Read Also : മോദി അധികാരത്തില്‍ എത്തിയതിന് ശേഷമാണ് മുസ്ലീം സ്ത്രീകള്‍ക്ക് ഒരു ആശ്രയകേന്ദ്രം ഉണ്ടായത് : നുസ്രത്ത് ജഹാന്‍

ചിക്കബല്ലപുര വാണിഗരഹള്ളിയിൽ ആണ് സംഭവം. മദ്യപാനിയായ മകനെ ജയറാമയ്യ നിരന്തരം ഉപദേശിക്കാറുണ്ടെങ്കിലും അതൊന്നും ചെവിക്കൊള്ളാറില്ലെന്ന് പറയുന്നു. പണം ചോദിച്ചപ്പോൾ കൈയിൽ ഇല്ല എന്ന് പറഞ്ഞ മാതാവിനെ അദ്രാഷ ക്രൂരമായി മർദ്ദിച്ചു.

ഈ രംഗം കണ്ട് വന്ന പിതാവ് മകനെ മർദ്ദിച്ചു. തുടർന്ന്, ബോധംകെട്ടു വീണ മകന്റെ ദേഹത്ത് പെട്രോൾ ഒഴിച്ച് കത്തിച്ചു കൊല്ലുകയായിരുന്നു എന്ന് ദൊഡ്ഢബെലവങ്കല പൊലീസ് അറിയിച്ചു. സംഭവത്തിൽ കേസ് റജിസ്റ്റർ ചെയ്തു.