ഓടിത്തുടങ്ങിയ ട്രെയിനിൽ ചാടിക്കയറാൻ ശ്രമം : വയോധികയ്ക്ക് ദാരുണാന്ത്യം

മലപ്പുറം: ഓടിത്തുടങ്ങിയ ട്രെയിനിൽ ചാടിക്കയറാൻ ശ്രമിച്ച വയോധിക പാളത്തിൽ വീണ് മരിച്ചു. പെരുമ്പടപ്പ് പാറ സ്വദേശി വസന്തകുമാരി(65)യാണ് മരിച്ചത്.

Read Also : ഹിജാബിന് ബദലായി ലോങ് സ്ലീവ് സ്‌ക്രബ് ജാക്കറ്റുകളും സര്‍ജിക്കല്‍ വസ്ത്രങ്ങളും ധരിക്കാന്‍ അനുവദിക്കണം

മലപ്പുറം ജില്ലയിലെ കുറിപ്പുറം റെയിൽവെ സ്റ്റേഷനിലാണ് സംഭവം നടന്നത്. തൃശ്ശൂർ കണ്ണൂർ പാസഞ്ചർ ട്രെയിനിൽ കയറാൻ ശ്രമിക്കുന്നതിനിടെയാണ് അപകടം നടന്നത്. കയറുന്നതിനിടെ പിടിവിട്ട് വസന്തകുമാരി പാളത്തിലേക്ക് വീഴുകയായിരുന്നു. ട്രെയിൻ ശരീരത്തിലൂടെ കയറിയിറങ്ങി തൽക്ഷണം വസന്തകുമാരി മരിച്ചു. കോഴിക്കോട് മകളുടെ വീട്ടിലേക്ക് പോകാനാണ് വസന്തകുമാരി റെയിൽവെ സ്റ്റേഷനിൽ എത്തിയത്.

മൃതദേഹം പൊലീസ് നടപടികൾക്ക് ശേഷം പോസ്റ്റ്മോർട്ടത്തിനായി ആശുപത്രി മോർച്ചറിയിലേക്ക് മാറ്റി.