തലയോലപ്പറമ്പ്: കവര്‍ച്ചാ സംഘത്തിന്‍റെ വാഹനത്തിന് വ്യാജ നമ്പര്‍ പ്ലേറ്റ് നിര്‍മിച്ചു നല്‍കിയ കേസില്‍ തമിഴ്‌നാട് സ്വദേശി അറസ്റ്റിൽ. തമിഴ്‌നാട് കന്യാകുമാരി സ്വദേശിയായ ഹരീന്ദ്ര ഇര്‍വി(40)നെയാണ് അറസ്റ്റ് ചെയ്തത്. തലയോലപ്പറമ്പ് പൊലീസ് ആണ് അറസ്റ്റ് ചെയ്തത്.
കഴിഞ്ഞദിവസം വടകര സ്വദേശിനിയുടെ സ്വര്‍ണമാല കവര്‍ന്നെടുത്ത കേസിലെ പ്രതികള്‍ ഉപയോഗിച്ചിരുന്ന മോട്ടോര്‍ സൈക്കിളിന് വ്യാജ നമ്പര്‍ പ്ലേറ്റ് നിര്‍മിച്ചു നല്‍കിയത് ഇയാളായിരുന്നു. ഇയാള്‍ ഒഎല്‍എക്‌സില്‍ വില്പനയ്ക്കായി നല്‍കിയിരിക്കുന്ന വാഹനത്തിന്‍റെ നമ്പര്‍ മോഷണത്തിനായി ഉപയോഗിക്കുന്ന വാഹനത്തില്‍ ഘടിപ്പിച്ചു കൊടുക്കുകയായിരുന്നു.
വീട്ടമ്മയുടെ മാല നഷ്ടപ്പെട്ട കേസില്‍ തലയോലപ്പറമ്പ് പൊലീസ് കേസെടുത്തിരുന്നു. അന്വേഷണത്തിൽ വണ്ടി നമ്പര്‍ വ്യാജമാണെന്ന് തിരിച്ചറിയുകയും ഇതു നിര്‍മിച്ച ഇയാളെ പാലക്കാട് നിന്നു പിടികൂടുകയുമായിരുന്നു. അറസ്റ്റ് ചെയ്ത പ്രതിയെ കോടതിയിൽ ഹാജരാക്കി.
Post Your Comments