പട്ടാപ്പകൽ റോഡരികിൽ നിന്ന് സ്കൂട്ടർ മോഷ്ടിച്ചു : പ്രതി മണിക്കൂറുകൾക്കുള്ളിൽ പിടിയിൽ

പന്തളം: പട്ടാപ്പകൽ റോഡരികിൽ നിന്ന് സ്കൂട്ടർ മോഷ്ടിച്ച് കൊണ്ടുപോയ പ്രതി മണിക്കൂറുകൾക്കുള്ളിൽ പിടിയിൽ. ചെന്നീർക്കര, മുട്ടത്തുകോണം, ഗിരിജ ഭവനിൽ അർജുൻ.എസ്. (22) ആണ് പൊലീസ് പിടിയിലായത്.

Read Also : മസ്തിഷ്ക മരണം സംഭവിച്ചെന്ന റിപ്പോർട്ട് നൽകി അവയവങ്ങൾ ദാനം ചെയ്‌തെന്ന കേസിൽ വിശദീകരണവുമായി കൊച്ചി ലേക് ഷോർ ആശുപത്രി

ചൊവ്വാഴ്ച വൈകീട്ട് 3.30-ന് ആണ് സ്കൂട്ടർ മോഷണം പോയത്. പന്തളം കുളനട മാന്തുക എം.സി റോഡരികിലായി വെച്ചിരുന്ന കുരുമ്പിലേത്ത് തെക്കേതിൽ വീട്ടിൽ സജി മാത്യുവിന്‍റെ(44) സ്കൂട്ടറാണ് മോഷണം പോയത്. സജിയുടെ പരാതിയിൽ പന്തളം പൊലീസ് നടത്തിയ പരിശോധനയിൽ രാത്രി 9.30-ന് മുളക്കുഴ നിന്നുമാണ് സ്കൂട്ടർ കണ്ടെത്തിയത്.

നമ്പർ പ്ലേറ്റ് ഇല്ലാത്ത നിലയിൽ കണ്ട വാഹനം സജിയുടെതാണ് തിരിച്ചറിഞ്ഞശേഷം നടത്തിയ പരിശോധനയിൽ യുവാവിനെ കണ്ടെത്തുകയായിരുന്നു. ഷർട്ടിന്‍റെ പോക്കറ്റിൽ നിന്നും സ്കൂട്ടറിന്‍റെ താക്കോൽ, സജിയുടെ എ.ടി.എം കാർഡ്, മൊബൈൽ ഫോൺ, വാച്ച് എന്നിവ കണ്ടെടുത്തിട്ടുണ്ട്. പ്രതിയെ കോടതിയിൽ ഹാജരാക്കി.