തൃശൂർ: സ്വന്തം വീട്ടിലെ ആൾമറയില്ലാത്ത കിണറ്റിൽ വീണ വയോധികൻ മരിച്ചു. ഇദ്ദേഹത്തോടൊപ്പം വീണ ഭാര്യയെ രക്ഷപെടുത്തി. ചേർപ്പ് പാണ്ടിയാടത്തു വീട്ടിൽ പ്രതാപൻ (64) ആണ് മരിച്ചത്. ഭാര്യ വൽസല(55)യെ രക്ഷിച്ചു.
ഇന്നലെ വൈകിട്ട് 6.30 ഓടെയായിരുന്നു സംഭവം. കിണറ്റിൽ വീണ ഭർത്താവിനെ രക്ഷിക്കാൻ ശ്രമിക്കുന്നതിനിടെയാണ് വത്സലയും കിണറ്റിൽ വീണത്. വത്സല ജില്ലാ ആശുപത്രിയിൽ ചികിത്സയിലാണ്. ആഴമുള്ള കിണറായതിനാൽ മൂന്നു മണിക്കൂറിലേറെ പരിശ്രമിച്ചാണ് പ്രതാപന്റെ മൃതദേഹം പുറത്തെടുത്തത്.
മൃതദേഹം ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. പോസ്റ്റ്മോർട്ടത്തിന് ശേഷം ബന്ധുക്കൾക്ക് കൈമാറും.
Post Your Comments